Eprokrama Ya Exikola Ya Orummwa Wa Muluku Ya 2011 — Watchtower EBIBLIOTEKA ONLAINE

Eprokrama Ya Exikola Ya Orummwa Wa Muluku Ya 2011

SOOLAKIHERYA

Mwaakha wa 2011, Exikola ya Orummwa wa Muluku enrowa wiiriwaka moovarihana ni malakiheryo ala anittharelana.

IREFERENSIA: Biblia Solempwa Sowarya [2^a edição], “Toda a Escritura É Inspirada por Deus e Proveitosa” (Edição de 1990) [si-T], ni Raciocínios à Base das Escrituras (Edição de 1989) [rs-T].

Exikola yohaana opacerya OKATHI OVARIHANIWE, epaceryeke ni masu oowaakhela alipa-oowiriyana, nuumala-vo, evikaniheke moovarihana ni malakiheryo anittharelana. Wanikisa wa khula mwaha onilavuliwa, muhooleli a exikola onrowa ohimyaka mwaha onittharelana.

IPONTO SUULUPALE SA OMUSOMA BIIBILIYA: minutu 10. Muhina mwa minutu mixexe soopacerya, mutokweene wala murumeyi oorumeela oophwanelela, ohaana ottittimiherya iponto suulupale sa omusoma Biibiliya khuta esumana. Masi isumana seiye sinrowa ahu opaceryaka othokorerya ikapiitulu soopacerya sa eliivuru emosa ya Biibiliya, mwiirelo onrowa okhala mukina. Okathi owo, muhina mwa minutu mixexe, munna owo onrowa othokorerya mwaha okumihiwe muliivuruni “Toda Escritura”. Mwa ntakiheryo, ikapiitulu thanu soopacerya sa eliivuru ya Ézira sinrowa othokoreriwa esumana 17 ya Janero, nto munna onrowa olavula mwaha ola ohaana othanla iponto suulupale sootthuneya sa eliivuru ya Ézira, orumeelaka ittima soopacerya sa eliivuru “Toda Escritura”. Owo ohaana ottittimiherya soohimmwa iyo mmukhalelo onrowa waaphwanyiha mureerelo atthu otheene mmulokoni. Hata ottittimiheryaka iponto suulupale sa omusoma Biibiliya khuta esumana aahiiso othokoreryaka eliivuru “Toda Escritura”, ohaana ophavela waakhaliherya alipa-oowiriyana woona nthowa naya ni moota xeeni soohimmwa iyo siri aya sa faita. Munna owo ohaana ovaha ephoole wira ohivirihe minutu mixexe olavulaka mpantta woopacerya. Owo ohaana wuupuwela wira minutu mithanu namosa sisukeriwe alipa-oowiriyana, wira avaheke ikomentaario soohipisa, muhina mwa isekuntu 30, ahimyaka ele yaasivenle esomme aya mBiibiliyani muhina mwa ikapiitulu sinithokoreriwa esumana eyo. Nuumala-vo, muhooleli a exikola onrowa waavekela okhuma anaxikola yaale athanleliwe olavula myaha esaala ekina.

YOOTHANLELIWA N.° 1: minutu 4 aahiiso sihinvira 4. Ela ti yoosoma ya Biibiliya enivahiwa munna. Naxikola ohaana osoma ettima ethanleliwa awe voohihimya etthu wanipacerya wala wanikisa. Muhooleli a exikola onrowa wiimananiha ophavela waakhaliherya anaxikola wira asomeke mowiiwanyeya, moohikukuma, attittimiheryaka masu oratteene, ovirikanyiha esooti, omumulela moophwanelela, ni olavula moohimutakiha mutthu.

YOOTHANLELIWA N.° 2: minutu 5. Yoothanleliwa ela ovahiweke murokora. Naxikola onivahiwa mpantta ola pooti othanleliwa aahiiso othanla mmensawe esenaario enoona awe ophwanelela muliivuruni Beneficie-se da Escola do Ministério Teocrático, epaaxina 82. Murokora owo ohaana orumeela muru othanleliwa awe ni olavula mpantta owo moovarihana ni itthu siniiraneya mmuttettheni ni sinivarihana ni muteko wa olaleerya. Akhala wira muru owo khorina ireferensia, murokora owo ohaana otokosa iliivuru sahu wira ophwanye soohimmwa sinivarihana ni muru owo. Muhooleli a exikola onrowa ovaha ephoole moota murokora owo onitthokiherya awe mpantta owo, ni moota onimukhaliherya awe ole onimulaleerya awe wuupuwela saana moovarihana ni soolepa sa Biibiliya ni wiiwexexa iponto suulupale sa mpantta onilavula awe. Muhooleli a exikola tonimuthanla namakhaliherya a murokora owo.

YOOTHANLELIWA N.° 3: minutu 5. Mwaha ola pooti ovahiwa munna wala murokora. Naxikola owo ohaana olavula mwaha ottharihelaka muru othanleliwa awe. Akhala wira muru owo khorina ireferensia, naxikola ohaana otokosa iliivuru sahu wira ophwanye soohimmwa sinivarihana ni muru othanleliwe awe. Akhala wira munna tothanliwe, owo ohaana olavula ntoko sinilavuliwa aya mwaha, eyo piiyo, eemenle ene vaplataforma oSalau ya Omwene. Masi akhala wira ovahiwe murokora, owo ohaana olavula muru ola ottharihelaka malakiheryo a Yoothanleliwa N.° 2. Xontte, miru sirina asterisku sohaana ovahiwa anna, yaawo anrowa olavula ntoko sinilavuliwa aya mwaha, ni vaaweryaneyaka vale, sohaana ovahiwa mutokweene aahiiso murummwa oorumeela.

OVAHA MIRUKU: minutu 1 wala 2. Muhooleli a exikola khonrowa ohimyaka vahinatthi enamuna ya moota woolavula myaha yeeyo naxikola owo eniixutta awe. Wanikisa wa Yoothanleliwa N.° 1, N.° 2 ni N.° 3, muhooleli a exikola onrowa ohimyaka itthu sooloka soonale awe ni ottottopela moota naxikola olavunle awe mwaha, ottittimiheryaka iponto sa eliivuru Escola do Ministério wira ooniherye etthu enimwiiriha omuttottopela naxikola. Moovarihana ni sootthuneya sa khula naxikola, pooti okhala vooreerela onvaha miruku soolipiha oryeene mekhawe, nuumala muthukumano aahiiso okathi mukina.

OKATHI: Ohikhale mutthu onrowa ovira okathi ovahiwa awe, hata muhooleli a exikola vaavo vanivaha awe miruku. Vaavo ale athanleliwe olavula myaha N.° 1, N.° 2 ni N.° 3 anivira aya okathi ovahiwa aya, pooti waahiiha olavula, masi mwa nttittimiho. Akhala wira anna yaale anittittimiherya iponto suulupale sa omusoma Biibiliya khuta esumana annivira okathi olempwale mprokramani, ahaana ovahiwa miruku aryeene mekhaya. Atthu otheene anilavula myaha ahaana ottharihela saana okathi ovahiwa aya. Eprokrama yotheene erina minutu 30.

EFORMULAARIO YA MIRUKU: Eformulaario eyo eri muliivuruni Escola do Ministério.

NAMAVAHA MIRUKU OOKHALIHERYA: Vaatthuneyaka vale, namavaha miruku ookhaliherya ohaana waavaha miruku axitokweene akina aahiiso arummwa oorumeela yaawo anilavula myaha sa atthu otheene, anittittimiherya iponto suulupale sa omusoma Biibiliya, myaha sa Muthukumano wa Orummwa, anisoma ittima mmulokoni, aahiiso aniiriha Yoosoma ya Biibiliya ya Muloko. Akhala wira aakhala axitokweene anceene muloko anyu yaawo anilavula saana myaha ni anisuwela wiixuttiha, khuta eyaakha ohaana othanliwa mutokweene mukina wira okhale namavaha miruku ookhaliherya. Khivanitthuneya wira namavaha miruku owo ookhaliherya, ovaheke miruku khuta okathi mutokweene aahiiso murummwa oorumeela vanilavula awe mwaha, masi, ovaheke miruku iyo vaavo vanoona awe wira moolumo oolipiha wala malakiheryo anrowa awe waavaha annawe awo anrowa tthiri waakhaliherya orowa vahoolo momunepani.

WUULUULA EXIKOLA YA ORUMMWA WA MULUKU: minutu 20. Khuta myeeri miili sinivira, muhooleli a exikola onrowa othokoreryaka mpantta ola ni alipa-oowiriyana. Wuuluula onrowa wiiriwaka nuumala othokoreriwa iponto suulupale sa omusoma Biibiliya ntoko sitthokiheriwa aya vasulu-vo. Wuuluula iwo onrowa ohelaka muhina myaha sa exikola ya orummwa wa Muluku seiye sithokoreriwe myeeri miili sivinre, ohela muhina myaha sa esumana ya wuuluula. Akhala wira muloko anyu onrowa okhalana muthukumano muulupale wa esirkwitu wala onrowa oxukuriwa ni mutokweene a esirkwitu esumana yeele yaarowa anyu wuuluula Exikola ya Orummwa wa Muluku, muhaana othaamiherya wuuluula iwo esumana enittharelana. Vano, Soothanleliwa N.° 1, N.° 2 ni N.° 3 sa esumana enittharelana ethaamihenrye anyu wuuluula, muhaana opaka esumana yeele enrowa anyu oxukuriwa ni mutokweene a esirkwitu. Xontte, muhithaamihe mpantta wa ottittimiherya iponto suulupale sa omusoma Biibiliya wa khuta esumana.

[Eponto yuulupale epaaxina 2]

[Eponto yuulupale epaaxina 3]

Eprokrama

3 ya Jan. Omusoma Biibiliya: 2 Wahala a Mamwene 29-32

N.° 1: 2 Wahala a Mamwene 30:13-22

N.° 2: Niireke Wira Yesu Aari Mutthu Ooloka Paahi? (rs-T epax. 211 etti. 1)

N.° 3: Moota Woova Okhwa Oniwiiriha aya Atthu Okhala Ipottha (aHéb. 2:15)

10 ya Jan. Omusoma Biibiliya: 2 Wahala a Mamwene 33-36

N.° 1: 2 Wahala a Mamwene 34:12-21

N.° 2: Etthu Xeeni Eniixutta ahu wa Maria, Maama a Yesu?

N.° 3: Niireke Wira Yesu Aari Paahi Muhooleli Mukina a Etiini? (rs-T epax. 211 etti. 2)

17 ya Jan. Omusoma Biibiliya: Ézira 1-5

N.° 1: Ézira 3:1-9

N.° 2: Nthowa Xeeni Nloko na aYuda Naamukhoottale aya Yesu Ntoko Mesiya? (rs-T epax. 212 itti. 1-2)

N.° 3: Moota Xeeni Munepa Onitthikela awe wa Muluku? (Mus. 12:7)

24 ya Jan. Omusoma Biibiliya: Ézira 6-10

N.° 1: Ézira 7:1-17

N.° 2: Moota Yesu Oonihenrya awe Okhala Oophwanelela Olamulela Ntoko Mwene

N.° 3: Niireke Wira Tthiri Yesu Kristu ti Muluku? (rs-T epax. 212 etti. 3-epax. 213 etti. 1)

31 ya Jan. Omusoma Biibiliya: Nehemiya 1-4

N.° 1: Nehemiya 2:11-20

N.° 2: Niireke Wira Yohani 1:1, Onooniherya Wira Yesu Muluku Toko? (rs-T epax. 213 itti. 3-5)

N.° 3: Moota Sinooniherya ahu Wiiwelela Masu a Yesu mu Matheyo 22:21

7 ya Fev. Omusoma Biibiliya: Nehemiya 5-8

N.° 1: Nehemiya 6:1-13

N.° 2: Nniixutta Exeeni Voohimya sa Owaakhela Aletto Woonihenrye Lidia, Gaio, ni Fileemoni?

N.° 3: Niireke Wira Moolumo Oothamala a Tome mu Yohani 20:28, Anithoonyerya Wira Yesu Muluku Tthiri? (rs-T epax. 214 itti. 1-3)

14 ya Fev. Omusoma Biibiliya: Nehemiya 9-11

N.° 1: Nehemiya 11:1-14

N.° 2: Niireke Wira Matheyo 1:23 Onithoonyerya Wira Vaavo Yesu Aaryaawe Vathi Aari Muluku? (rs-T epax. 215 itti. 1-3)

N.° 3: Moota Muluku Sinooniherya awe Oreerela Murima (1 Ped. 4:10)

21 ya Fev. Omusoma Biibiliya: Nehemiya 12-13

N.° 1: Nehemiya 13:15-22

N.° 2: Ele Enitaphulela aya Omukokhorela Yehova Muluku Paahi (Okhum. 20:5)

N.° 3: Anitaphulela Exeeni Moolumo Ari mu Yohani 5:18? (rs-T epax. 215 itti. 4-5)

28 ya Fev. Omusoma Biibiliya: Estheri 1-5

Wuuluula wa Exikola ya Orummwa wa Muluku

7 ya Mar. Omusoma Biibiliya: Estheri 6-10

N.° 1: Estheri 7:1-10

N.° 2: Niireke Wira Mwaha wa Yesu Okokhoreliwaka Onitaphulela Wira owo Muluku? (rs-T epax. 215 etti. 6-epax. 216 etti. 2)

N.° 3: Nthowa naya Yesu Oryaawe Murumeyi Muulupale ni Onimaleliha Nroromelo Nahu (aHéb. 12:2)

14 ya Mar. Omusoma Biibiliya: Yobi 1-5

N.° 1: Yobi 3:1-26

N.° 2: Etthu Xeeni Eniixutta ahu sa Ntakiheryo na Aana Aaxithiyana a Selofehadi? (Moth. 36:10-12)

N.° 3: Niire Wira Miiriirya Saapakiwe ni Yesu Sinithoonyerya Wira owo Muluku? (rs-T epax. 216 etti. 3-epax. 217 etti. 1)

21 ya Mar. Omusoma Biibiliya: Yobi 6-10

N.° 1: Yobi 8:1-22

N.° 2: Niireke Wira Omukupali Yesu Kristu Paahi ti Etthu Enitthuneya Wira Mutthu Oopowe? (rs-T epax. 217 etti. 3)

N.° 3: * Ninrowa Orumeela sai Malakiheryo Alempwale mu Matheyo 10:16?

28 ya Mar. Omusoma Biibiliya: Yobi 11-15

N.° 1: Yobi 13:1-28

N.° 2: Nthowa naya Yesu Vanihimmwa awe Okhala “Mwanene eSábadu” (Math. 12:8)

N.° 3: Niireke Wira Yesu Aahikhala Mukumi Wiirimu Ohinatthi Orwa Valaponi Ntoko Pinaatamu? (rs-T epax. 217 etti. 4–epax. 218 etti. 1)

4 ya Abril Omusoma Biibiliya: Yobi 16-20

N.° 1: Yobi 18:1-21

N.° 2: Niireke Wira Vano Wiirimu Yesu Orina Erutthu ya Opinaatamu? (rs-T epax. 218 itti. 2-5)

N.° 3: Mwaha wowaasuwela saana maKuvernu Makina Annaattottopela Anamoona a Yehova (aRom. 13:3)

11 ya Abril Omusoma Biibiliya: Yobi 21-27

N.° 1: Yobi 25:1–26:14

N.° 2: Nthowa naya Mwiikimanyo Ohintthuneya awe Wooniwaka Ntoko Etthu Enireerela Okokhorela

N.° 3: Niireke Wira Yesu Kristu Mutthu Mmosaru ni Mikhayeli Nlaikha Nuulupale? (rs-T epax. 219 itti. 1-3)

18 ya Abril Omusoma Biibiliya: Yobi 28-32

N.° 1: Yobi 30:1-23

N.° 2: ** Akhala Wira Mutthu Mukina Onihimya so: “Nyuwo Khamunimukupali Yesu” (rs-T epax. 220 itti. 1-3)

N.° 3: * Nthowa naya Vanitthuneya aya Wuupuwela Saana Nihinatthi Olavula (Mir. 16:23)

25 ya Abril Omusoma Biibiliya: Yobi 33-37

Wuuluula wa Exikola ya Orummwa wa Muluku

2 ya Maio Omusoma Biibiliya: Yobi 38-42

N.° 1: Yobi 40:1-24

N.° 2: Mareeliho a Okhala Oomaala ni Oopixa Murima

N.° 3: ** Akhala Wira Mutthu Mukina Onihimya so: “Nyuwo Munneemya Wira Yesu Moopoli anyu?” (rs-T epax. 220 itti. 4-5)

9 ya Maio Omusoma Biibiliya: Esalimo 1-10

N.° 1: Esalimo 7:2-18

N.° 2: ** Akhala Wira Mutthu Mukina Onihimya so: “Komweemererya Yesu Okhala Moopoli aka” (rs-T epax. 221 etti. 1)

N.° 3: Nthowa naya Yesu Avaanyinha awe Moolumo a Mutthu Yoole Aahimmye so: “Mwixuttihi Òrera Murima” (Mar. 10:17, 18)

16 ya Maio Omusoma Biibiliya: Esalimo 11-18

N.° 1: Esalimo 17:1-15

N.° 2: Moota Onooniherya ahu Wira Nimmukokhorela Yehova Paahi (aRom. 6:16, 17)

N.° 3: Niireke Wira aYuda Eephattu Olelo-va ti Atthu Athanliwe ni Muluku? (rs-T epax. 221 etti. 2-epax. 222 etti. 4)

23 ya Maio Omusoma Biibiliya: Esalimo 19-25

N.° 1: Esalimo 23:1–24:10

N.° 2: Niireke Wira aYuda Otheene Anookupalihiwa Kristu? (rs-T epax. 223 itti. 1-2)

N.° 3: Moota Xeeni ni Silini Vanrowa aya Wiiraneya Moolumo a Eliivuru ya aRoma 8:21?

30 ya Maio Omusoma Biibiliya: Esalimo 26-33

N.° 1: Esalimo 31:10-25

N.° 2: Matakiheryo Ari MBiibiliyani Yaawo Anooniherya Wiiyeviha Wekeekhai

N.° 3: Niireke Wira aYuda Ahaana Omwaamini Yesu Wira Yoopoliwe? (rs-T epax. 223 etti. 3-epax. 224 etti. 1)

6 ya Junyo Omusoma Biibiliya: Esalimo 34-37

N.° 2: Esalimo 35:1-18

N.° 2: Niireke Wira Itthu Sinikhumelela wIsarayeli Olelo-va, Wiiraneya wa Eprofesia ya Biibiliya? (rs-T epax. 224 etti. 2-epax. 225 etti. 2)

N.° 3: Etthu Xeeni Eniixutta ahu mu Eliivuru ya Luka 12:13-15, 21?

13 ya Junyo Omusoma Biibiliya: Esalimo 38-44

N.° 1: Esalimo 41:2–42:6

N.° 2: Matakiheryo Ari MBiibiliyani a Opatthani ni Mikhalelo Sooloka Siniwerya ahu Otakiha

N.° 3: Eprofesia ya Ottikiheriwa wa Isarayeli Eniwiiraneela Atthu Xeeni Olelo-va? (rs-T epax. 225 etti. 3-epax. 226 etti. 3)

20 ya Junyo Omusoma Biibiliya: Esalimo 45-51

N.° 1: Esalimo 48:2–49:10

N.° 2: Niireke Wira Omwene wa Muluku ti Ekuvernu Yekeekhai? (rs-T epax. 298 itti. 1-2)

N.° 3: Okhala Wira Okumi Nirovahiwa, Nthowa Xeeni Vaniimananiha ahu Wira Noopowe? (aRom. 6:23; aFil. 2:12)

27 ya Junyo Omusoma Biibiliya: Esalimo 52-59

Wuuluula wa Exikola ya Orummwa wa Muluku

4 ya Julyo Omusoma Biibiliya: Esalimo 60-68

N.° 1: Esalimo 62:2–63:6

N.° 2: Moota Xeeni Hiyo Nniheliwa ahu Muhina Mwa Wiiraneya wa Moolumo a Hagayo 2:7?

N.° 3: Tani Anilamulela Momweneni-mmo? (rs-T epax. 298 etti. 3-epax. 299 etti. 1)

11 ya Julyo Omusoma Biibiliya: Esalimo 69-73

N.° 1: Esalimo 72:1-20

N.° 2: Etthu Xeeni Omwene owo Enrowa aya Opaka wa Ikuvernu sa Opinaatamu? (rs-T epax. 299 itti. 2-3)

N.° 3: Ele Amiravo Aniixutta aya wa Mwene Ezekiya ni Yosiya

18 ya Julyo Omusoma Biibiliya: Esalimo 74-78

N.° 1: Esalimo 77:2-21

N.° 2: Moota Womukhoottela Satana (Yak. 4:7)

N.° 3: Omwene wa Muluku Onrowa Otteeliha Nsina na Yehova (rs-T epax. 299 etti. 4-epax. 300 etti. 1)

25 ya Julyo Omusoma Biibiliya: Esalimo 79-86

N.° 1: Esalimo 84:2–85:8

N.° 2: Omwene wa Muluku Onimwiraanyiha Soopattuxiwa Sotheene mu Okokhorela Wooloka (rs-T epax. 300 itti. 2-3)

N.° 3: Nthowa naya Axetwani Otheene Vahinikhootta aya Wira Muluku Ookhala (Yak. 2:19)

1 ya Ako. Omusoma Biibiliya: Esalimo 87-91

N.° 1: Esalimo 89:27-53

N.° 2: Mathowa aya Arumeyi a Yehova Aryaaya Oohakalala

N.° 3: Omwene wa Muluku Onoomaliha Ikhotto ni Mwiirelo Woohiloka (rs-T epax. 301 itti. 1-4)

8 ya Ako. Omusoma Biibiliya: Esalimo 92-101

N.° 1: Esalimo 94:1-23

N.° 2: Omwene wa Muluku Onookumiherya Yoolya wa Otheene ni Omala-maliha Iretta (rs-T epax. 301 itti. 5-7)

N.° 3: Mwiikasoope ni Woototha wa Mihakhu (Math. 13:22)

15 ya Ako. Omusoma Biibiliya: Esalimo 102-105

N.° 1: Esalimo 105:1-24

N.° 2: Nthowa naya Vahinitthuneya aya Wuupuwelela Itthu Sihiyale ahu Ottuli Wira Nimurumeele Yehova (Luka 9:62)

N.° 3: Omwene wa Muluku Onookumiherya Ipa, Muteko, ni Omaaleleya wa Atthu Otheene (rs-T epax. 302 itti. 1-4)

22 ya Ako. Omusoma Biibiliya: Esalimo 106-109

N.° 1: Esalimo 109:1-20

N.° 2: Omwene wa Muluku Onomwiiriha Ekeekhai ni Exariya Okhala Mahiku Otheene (rs-T epax. 302 itti. 5-7)

N.° 3: * Mooniheryeke Makhalelo Ooloka Muttharaka Ntakiheryo na Yehova ni Yesu

29 ya Ako. Omusoma Biibiliya: Esalimo 110-118

Wuuluula wa Exikola ya Orummwa wa Muluku

5 ya Set. Omusoma Biibiliya: Esalimo 119

N.° 1: Esalimo 119:49-72

N.° 2: Nthowa naya Soolepa Sinitumererya aya Omoova Yehova (Otum. 5:29)

N.° 3: Omwene wa Muluku Onimwaahihimuxa Alipa-ookhwa (rs-T epax. 303 itti. 1-4)

12 ya Set. Omusoma Biibiliya: Esalimo 120-134

N.° 1: Esalimo 124:1–126:6

N.° 2: Omwene wa Muluku Onookhaliha Ophentana ni Wiiraana Molumwenkuni (rs-T epax. 303 etti. 5-epax. 304 etti. 1)

N.° 3: Moota Woovikaniha Okhalana Niitho Nooluluwanya (Math. 6:22, 23)

19 ya Set. Omusoma Biibiliya: Esalimo 135-141

N.° 1: Esalimo 137:1–138:8

N.° 2: Moota Annilipiha aya Masu a Paulo mu aRoma 14:7-9

N.° 3: Omwene wa Muluku Onimwiiriha Elapo Okhala Eparayiisu (rs-T epax. 304 itti. 2-4)

26 ya Set. Omusoma Biibiliya: Esalimo 142-150

N.° 1: Esalimo 144:1–145:4

N.° 2: Niireke Wira Olamulelo wa Omwene wa Muluku Opacenrye Eseekulu Yoopacerya? (rs-T epax. 304 itti. 5-7)

N.° 3: * Nthowa Xeeni Vanitthuneya ahu Osyaka Nthalu? (Yak. 2:1-4)

3 ya Out. Omusoma Biibiliya: Miruku 1-6

N.° 1: Miruku 6:1-19

N.° 2: Moota Xeeni aRoma 8:26, 27, Onnilipiherya awe Wira Muluku Onniniphenta?

N.° 3: Niireke Wira Omwene wa Muluku Onirwa Nuumala Waamini Atthu Otheene? (rs-T epax. epax. 305 itti. 1-2)

10 ya Out. Omusoma Biibiliya: Miruku 7-11

N.° 1: Miruku 8:1-21

N.° 2: ** Akhala Wira Mutthu Mukina Onihimya so: “Omwene owo Onikiphwanya Kikhwiiye” (rs-T epax. 305 etti. 4-epax. 306 etti. 1)

N.° 3: * Mwaha aya Biibiliya Vannilopola awe Wira Nihiixooneke Okhala Anaxariya Waavikana Akina (Mus. 7:16)

17 ya Out. Omusoma Biibiliya: Miruku 12-16

N.° 1: Miruku 15:1-17

N.° 2: Moota Xeeni Mavekelo Ooloka Anilikana aya ni Erupani Enitthuwa Ohoolo wa Yehova? (Esal. 141:2; Wis. 5:8)

N.° 3: Ekanyeryo Xeeni Enooniherya Wira Ninkhala Mahiku Ookiserya? (rs-T epax. 419 etti. 1)

24 ya Out. Omusoma Biibiliya: Miruku 17-21

N.° 1: Miruku 17:21–18:13

N.° 2: Moota Xeeni Ikhotto ni Othowa wa Soolya Siniirela aya Mpantta ‘Ekanyeryo’ (rs-T epax. 419 etti. 3-epax. 420 etti. 3)

N.° 3: Etthu Xeeni Enooniherya aya Atthu Yaale Anittottopela Soopattuxiwa Masi Ahinamuttottopela Ole Opattunxe? (aRom. 1:20)

31 ya Out. Omusoma Biibiliya: Miruku 22-26

Wuuluula wa Exikola ya Orummwa wa Muluku

7 ya Nov. Omusoma Biibiliya: Miruku 27-31

N.° 1: Miruku 28:19–29:10

N.° 2: Moota Xeeni Omuupuwelela Saana aRoma 8:32, Onniroromeliha awe Wira Anatiri Otheene a Muluku Animwiiraneya?

N.° 3: Moota Xeeni Masu a Luka 21:11, Aniiraneya aya Okhuma Mwaakha wa 1914? (rs-T epax. 421 itti. 1-3)

14 ya Nov. Omusoma Biibiliya: Musuweli 1-6

N.° 1: Musuweli 6:1-12

N.° 2: Onitaphulela Exeeni Wuncerereya wa Itthu Sootakhala Valaponi? (rs-T epax. 421 etti. 4-epax. 422 etti. 1)

N.° 3: * Nthowa naya MaKristau Eekeekhai Vaniiwelela aya Miruku sa aRoma 12:19

21 ya Nov. Omusoma Biibiliya: Musuweli 7-12

N.° 1: Musuweli 9:13–10:11

N.° 2: Ophenta Khonooniherya Nrima (1 aKor. 13:4)

N.° 3: Moota Xeeni Ekanyeryo ya Mahiku Ookiserya Enaavara aya Muhina MaKristau Eekeekhai? (rs-T epax. 423 itti. 1-2)

28 ya Nov. Omusoma Biibiliya: Nsipo n’Ophentana 1-8

N.° 1: Nsipo n’Ophentana 1:1-17

N.° 2: Nthowa Xeeni Anamoona a Yehova Vanihimya aya Wira Mahiku Ookiserya Apacenrye 1914? (rs-T epax. 424 itti. 1-4)

N.° 3: * Nipake Exeeni Wira Atthu Akina Anittittimiheke?

5 ya Dez. Omusoma Biibiliya: Yesaya 1-5

N.° 1: Yesaya 3:16–4:6

N.° 2: Nthowa Xeeni Vanitthuneya ahu Ovara Muteko Mowaakuveya?

N.° 3: Niireke Wira Ookhala Onrowa Ohala ori Mukumi Wanikisa wa Mukhalelo ola? (rs-T epax. 425 itti. 1-4)

12 ya Dez. Omusoma Biibiliya: Yesaya 6-10

N.° 1: Yesaya 6:1-13

N.° 2: Nthowa Xeeni Muluku Vanihiya awe Oviraka Okathi Munceene Ohinatthi Waapwetexa Atakhali? (rs-T epax. 425 etti. 5-epax. 426 etti. 2)

N.° 3: Nthowa naya Ophenta Ohinrowa aya Omala (1 aKor. 13:8; 1 Yoh. 4:8)

19 ya Dez. Omusoma Biibiliya: Yesaya 11-16

N.° 1: Yesaya 13:1-16

N.° 2: Nthowa naya Vaneettela ahu Waamini Ohiya Itthu Sinooneya (2 aKor. 5:7)

N.° 3: ** Akhala Wira Mutthu Mukina Onihimya so: “Mikhalelo sa Olelo-va Khasitempe Otakhala; Okhala wene Saahikhala Ikhotto, Etala, Itetere, ni Ekrime” (rs-T epax. 426 etti. 4-epax. 427 etti. 1)

26 ya Dez. Omusoma Biibiliya: Yesaya 17-23

Wuuluula wa Exikola ya Orummwa wa Muluku

* Mwaha ola ovahiweke anna paahi

** Okathi wakhala vale, arokora anipaka yowooniherya ela ahaana waakhula makoho, ovaanyiha ni itthu sikina sinihimmwa ni mwaneene etthoko, attharihelaka ele eniiraneya mapuro awo.