Esumana 7 ya Dezembro

ESUMANA 7 YA DEZEMBRO

Nsipo 3 ni Nivekelo

□ Yoosoma ya Biibiliya ya Muloko:

ia muru 4 itti. 1-15, ekaaxa eri epaax. 39 (30 min.)

□ Exikola ya Orummwa wa Muluku:

Omusoma Biibiliya: 2 Wahala 10-14 (8 min.)

N.° 1: 2 Wahala 13:13-22 (3 minutu wala ohiphiya)

N.° 2: Niireke ahaavo makhalelo a vameekhaaya anitthuneya okathi onivekela ahu?​—bh muru 17 etti. 10 (5 min.)

N.° 3: Xeeni vanitthuneya ahu waathanlaka apatthani ahu?​—lv muru 3 itti. 1-3 (5 min.)

□ Muthukumano wa Orummwa:

Muru wa Mweeri Ola: “Hiyo nihana ovira mohawani munjene, wira nikele Momweneni mwa Muluku”.​—Miteko 14:22.

Nsipo 26

10 min: “Hiyo Nihana Ovira Mohawani Munjene, Wira Nikele Momweneni Mwa Muluku”. Mwaha onittittimiherya muru wa mweeri ola. Musome ni mooniherye ovareleya waya muteko soolepa iya: Miteko 14: 21, 22 ni 1 Pedru 4:12-14. (Nwehe erevista Owehaweha 15 a Setembro, 2014, epaax. 13, itti. 3-6.) Muhimye myaha sinrowa olavuliwa okathi wa Muthukumano wa Orummwa mweeri ola, ni mooniherye moota sinivarihana aya ni muru wa mweeri yoola. Mwaatumererye atthu otheene wira yoone eviidiyu ‘Ande pela Fé, Não pela Vista’, yeeyo enrowa othokoreriwa esumana enittharelana mpantta wa Muthukumano wa Orummwa.

10 min: Mwaarowa Waakhula Sai? (aKol. 4:6) Mwaha okumihiwe eliivuru Beneficie-se, epaaxina 69, ittima 1-3. Mpake sowooniherya piili soovirikana. Yoopacerya, namalaleerya onaakhula mohiilokiherya nikoho noonyohola nipakiwe ni mwaneene etthoko, nto eyo ennimwiiriha ohikhumela saana. Ya nenli, mwaneene etthoko onnipaka nikoho nlo, vano namalaleerya owo onnuupuwela vakhaani, khiyamwaakhula mooreerela, nto mwaneene etthoko onnisiveliwa.

10 min: “Mwaatakiheke Maprofeta​—Habakuki”. Makoho ni waakhuliwa.

Nsipo 14 ni Nivekelo