18-24 YA MAIO
YESAYA 62-64
Nsipo 44 ni nivekelo | Masu oopacerya (1 min.)
1. Mmweemererye Muluku oophenta, Yehova, wiira owuupeeni
(10 min.)
Yehova onninoonela othunku, hata ikwaha sikina nihaawaka mwaha wa soovonya sahu. (Yes 63:9; Achegue-se a Jeová, ipaax. 253-254 itti. 7-9)
Yehova khonikhoottiherya onikhumelela mixankiho mwaha wa itthu soohiloka nimpaka ahu. Masi onninikhaliherya wiira nihihiye ororomeleya wa yena. (Owehaweha 08/2023 ipaax. 28-29 itti. 8-9)
Namweemererya vale, Yehova onoonikhaliherya opaka marukunuxo wiira nimusiveliheke. (Yes 64:8; Owehaweha 15/09/2013 epaax. 20 itti. 15-17)
2. Itthu sa efaita sa mbiibiliyani
(10 min.)
Yes 62:7 — Yesaya oonihenrye sai oreera waya othipelela ovekela? (Owehaweha 11/2022 ipaax. 9-10 etti. 7)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Yes 64:4-12 (Wiixuttiha, yoosoma 12)
4. Ovaanela woopacerya
(3 min.) OLALEERYA MAPURO OOWAATTA ATTHU. Mphavelase mwaha okhanle oomusivela mutthu owo ni nvarihane wiira nvaanele nihiku nikina. (Waaphenta Atthu, yoosoma 1 eponto 5)
5. Ohihiya waakhaliherya
(4 min.) OLALEERYA EMPA NI EMPA. Mmooniherye eviitiyu eri ekaaxa ya ikaruma sinnikhaliherya wiixuttiha. (Waaphenta Atthu, yoosoma 9 eponto 4)
6. Waapaka awiixutti
(5 min.) Okumi Woohimala!, epaax. 254 ekaaxa: “Kiireke Kihiilokiherya Wira Kipacerye Olaleerya ni Muloko?” Mmukhaliherye naxikola anyu a Biibiliya ophavela okhala namalaleerya oohipatisiwa. (Waaphenta Atthu, yoosoma 12 eponto 3)
Nsipo 115
7. Niireke muhiilokiherya mwaha wa ihasara sootutuxerya?
(15 min.) Mwaha onilavuliwa ni mutokweene. Musome soohimmwa sinikhuma oBeteli ni sa axitokweene, akhala wiira sookhala.
Ihasara sa ephattu ni ikhotto, pooti okhumelela mootutuxerya. (Mus 9:11) Hata mukhalaka muttetthe ohinaattela okhumelela ihasara sa ephattu, ti vooloka wiilokiherya vahinatthi. (Mir 22:3) Ninrowa wiilokiherya sai?
Mwakhala nipuro noowaatta atthu, nwehaweheke itthu siniiraneya opuro owo ni musuweleke ephiro aahiiso nipuro nootthyawela, yakhumelela etthu mootutuxerya.
Wiira mwiilokiherye mwaha wa ihasara sa ephattu, mukhalaneke epastaa enihela anyu yoolya ni itthu sikina wiira mukuxe mwaatthyawaka. Nave mumpakeke palano a opuro wootthyawela ni mukhalaneke mammeru a amusi ni apatthani anyu. — Despertai! N.o 5 2017 epaax. 4
Nwehe EVIITIYU Niireke muhiilokiherya mwaha wa ihasara sootutuxerya? Nuumala-vo, mwaakohe alipa-oowiriyana makoho anittharelana:
Wanipacerya, etthu xeeni anna ni arokora yuupuwela aya sa wiilokiherya ehinatthi okhumelela ehasara?
Etthu xeeni yaapanke aya wiira yiilokiherye?
Yehova aareelihale sai wiimananiha waya?
Etthu yaawiiranenle, ewiixuttihaleni exeeni?
MWIIKOHEKE SO: Onivarihana sai omuttittimiha Yehova ni wiilokiherya sihinatthi okhumelela ihasara?
MWEERERYE OPAKA ELA: Mwakhala nipuro noowaatta atthu esumana ela, mwiikoheke so: Yakhumelela etthu mootutuxerya, opuro xeeni kikhanle aka ootthyawela?
8. Yoosoma ya Biibiliya ya muloko
Masu oowuuluula (3 min.) | ni nivekelo
a Nwehe ekaaxa eni: “Você Está Preparado?” eri Despertai! N.o 5 2017 epaax. 7.