25-31 YA MAIO

YESAYA 65-66

Nsipo 24 ni nivekelo | Masu oopacerya (1 min.)

MIHAKHU SINIKHUMA MBIIBILIYANI

1. Onisivela eparayiisu ahu ya nthoonyeryo!

(10 min.)

Arumeyi a Yehova, aakhalana yoolya yinceene enlipiha waamini waya mparayiisu mwa nthoonyeryo. (Yes 65:13; Owehaweha 04/2024 ipaax. 21 etti. 5)

Eparayiisu ya nthoonyeryo, enniniphwanyiha ikuru sinnikhaliherya ovilela mixankiho ni okhala oomaaleleya. (Yes 65:14-17; Owehaweha 04/2024 epaax. 22 itti. 9-10)

Olumwenku ola, khorina etthu yooreera enlikana ni murettele ni ovareleleya orina ahu mwaha woomurumeela Yehova. (Yes 65:25; Owehaweha 04/2024 epaax. 23 etti. 13)

OTTHOKIHERIWA: Nuulumo noowi “eparayiisu ya nthoonyeryo”, nintaphulela mukhalelo woovareleleya nrina ahu mwaha woomukokhorela Yehova. Nto eyo, enniniiriha okhalana murettele ni Yehova, vamosa ni anna ni arokora.

Ifootu: Anna ni arokora attottelaka mureerelo mareeliho a eparayiisu ya nthoonyeryo. 1. Awo ari ene Empa ya Omwene ni alavulihanaka moohakalala. 2. Awo onnaasivela ovara hoothe okathi anilokiherya aya aahiiso orattela Empa ya Omwene. 3. Munna mmiravo olavulaka moohakalala ni munna mukina, mukhatteya. Apwehale ene vaparetini ikarta alepeliwa aya ni anna ni arokora. 4. Anamathelana, amuxukuryaka murokora yoowo oniwereiwa ori ospitaali. Munna okunxe ene esestu eri ifuruta ni ikarta, nave mwaarawe ovarenle ene ntata na murokora oniwereiwa.

2. Itthu sa efaita sa mbiibiliyani

(10 min.)

Yes 66:12, 13 — Yehova onilikana sai ni maama oophenta? (Owehaweha 01/2024 epaax. 27 etti. 4)

Mwaakhule va
Itthu xeeni sa efaita siphwannye anyu okathi mwamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Yes 65:17-25 (Wiixuttiha, yoosoma 10)

MUKHALELEKE NTHITI MUTEKO WOOLALEERYA

4. Ovaanela woopacerya

(3 min.) OLALEERYA MOOHIILOKIHERYA. Mulavule etthu enrowa omwiiriha mutthu owo, osuwela wiira mwa Namoona a Yehova. (Waaphenta Atthu, yoosoma 5 eponto 3)

5. Ovaanela woopacerya

(2 min.) OLALEERYA MAPURO OOWAATTA ATTHU. Mutthu owo oniphavela onyakulihana ni nyuwo. (Waaphenta Atthu, yoosoma 4 eponto 5)

6. Ovaanela woopacerya

(3 min.) OLALEERYA EMPA NI EMPA. Mpacerihe ovaanela murumeelaka efolyeeto. (Waaphenta Atthu, yoosoma 1 eponto 4)

7. Otthokiherya sookupali sanyu

(3 min.) Yoowooniherya. Makoho Biibiliya Onaakhula Awe, mwaha 87 — Muru: Ti pani ori nwanani a Kristu? (Wiixuttiha, yoosoma 17)

MAKHALELO A MAKRISTAU

Nsipo 80

8. Niireke munnithanana mwaha woothanla ovara muteko wa Muluku wa okathi wootheene?

(15 min.) Mwaha ni makoho vakhaani.

Ifootu: Ifootu saamukhaani sinikhumela eviitiyu eni: “Exeeni Munrowa Anyu Opaka ‘Mwaha wa Ihapari Sooreera?’” 1. Munna Tomohiro Nishimura onirumeela eBeteli ya oBindery. 2. Murokora Mabho onivara ni komputatore eskritoorio ya anamataphulela . 3. Murokora Rayner ni Keziah Fernando, amulavulihaka munna mmosa, efiliyaali yeeyo arokora awo anikhaliherya aya muteko wooteka. 4. Munna George Telan Jr. onivara ni anna akina eTepartamento ya Muteko ya oBeteli. 5. Murokora Ramona Welsch iirihaka yoosoma ya Biibiliya.

Niireke munnuupuwela opacerya muteko wa Muluku wa okathi wootheene? Niireke munimoova, muupuwelaka wiira munrowa operteri itthu sinceene? Niireke munuupuwela wiira khivanipirisari wiimananiha vanceene, okhala wiira arumeyi ootheene a Yehova anoophwanya okumi woohimala? Akhala wiira munuupuwela siiso, muhiliyale ela: “Yehova khonrowa waakhoottiherya itthu sooreera” atthu yaale animuroromela. (Esa 84:11, 12) Vaavo nihiniimananiha ahu ovara muteko wa Muluku, ninniperteri itthu sinceene sinniphwanyiha ohakalala.

Yehova onnaareeliha arumeyi awe niinaano-va ni onimwaareeliha-tho muhoolo. Nwehe EVIITIYU Exeeni Munrowa Anyu Opaka “Mwaha wa Ihapari Sooreera”? Nuumala-vo, mwaakohe alipa-oowiriyana nikoho ninttharelana:

Mareeliho xeeni amiravo ale aphwannye aya mwaha wookela muteko wa Muluku wa okathi wootheene?

Mwaakhule va

Etthu xeeni mukhanle anyu oopaka, vakhala wiira makhalelo anyu khaniweemereryani okela muteko wa Muluku wa okathi wootheene? Muhihiye ovara ele muniwerya anyu, musuwelaka wiira Yehova onrowa “woomwarexelani mareeliho mpakha ohoothowani etthu.” Tthiri Yehova onnaareeliha ale aniimananiha moovarihana ni makhalelo aya. — Mal 3:10.

9. Yoosoma ya Biibiliya ya muloko

(30 min.) Mwiixutte myaha sa Biibiliya, yoosoma 88 ni 89