6-12 YA JULHO

YEREMIYA 13-15

Nsipo 123 ni nivekelo | Masu oopacerya (1 min.)

MIHAKHU SINIKHUMA MBIIBILIYANI

Ifootu: Yeremiya ottharaka malakiheryo aavahiwe awe ni Yehova. 1. Owo uupuwelelaka etthu Yehova aanvekenle awe opaka ni okunxe ene esintu ya eliinyu. 2. Yeremiya eettaka mukwaha owenle ene ekamelo. 3. Owo eettaka moothakoni ovarenle ene ekamelo ni ninnooneya nsuwa nikelaka. — Yeremiya ottharaka malakiheryo aavahiwe awe ni Yehova

1. Nihaana omwiiwelela Yehova

(10 min.)

Nnaamwi aahaiwexenxe malakiheryo Yehova anvahale awe, Yeremiya aahiiwelela ni murima wootheene. (Yer 13:1-7; Jeremias, ipaax. 51-52 itti. 17-18)

Muhoolo mwaya, Yeremiya aahisuwela etthu ene yaamwiirihale Yehova onvaha malakiheryo ale. (Yer 13:8-11; Jeremias, epaax. 52 etti. 19)

Olelo-va, hiyo ninniimananiha otakiha wiiwelela wa Yeremiya, hata okathi mukina nihisuwelaka etthu yiirihale ovahiwa malakiheryo awo. (Owehaweha 12/2022 epaax. 21 etti. 16; Owehaweha 15/08/2008 epaax. 19 etti. 7)

Okathi wa maxakha maalupale ekurupu emosa ya Anamoona a Yehova ari ene opuro wowiipitheya, anwiriyanaka mutokweene, yoowo onisoma malakiheryo akumiheriwe ni mutthenkeso. Munna mmosa owiriyanaka, masi khonikupali etthu enihimmwa.

2. Itthu sa efaita sa mbiibiliyani

(10 min.)

Yer 15:16, 17 — Nimutakihaka Yeremiya, ninrowa owerya sai oxintta okhulumuwa? (Owehaweha 12/2020 epaax. 27 etti. 20)

Mwaakhule va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Yer 13:1-14 (Wiixuttiha, yoosoma 2)

MUKHALELEKE NTHITI MUTEKO WOOLALEERYA

4. Ovaanela woopacerya

(3 min.) OLALEERYA EMPA NI EMPA. Murumeele efolyeeto wiira mpacerihe ovaanela. (Waaphenta Atthu, yoosoma 1 eponto 5)

5. Ohihiya waakhaliherya

(4 min.) OLALEERYA MOOHIILOKIHERYA. Mmooniherye mutthu owo, mwaha mmosa ori esaiti jw.org, onivarihana ni mwaha mwaalavunle anyu ekwaha yookiserya. (Waaphenta Atthu, yoosoma 9 eponto 4)

6. Mwaha

(5 min.) Waaphenta Atthu, apendise A eponto 18 — Muru: Yesu aahihimya khalai ene itthu siniiraneya olelo-va. (Wiixuttiha, yoosoma 7)

MAKHALELO A MAKRISTAU

Nsipo 49

7. “Wiiwelela ti wooreera ovikana mukuttho”

(15 min.) Mwaha ni makoho vakhaani.

Nuumala Sawuli ohiiwelela malakiheryo oowiiwanyeya a Yehova, Samuweli aahimuleela wiira: “Wiiwelela ti wooreera ovikana mukuttho.”

Mmusome 1 Samuweli 15:3, 7-9, 22, 23. Nuumala-vo, mwaakohe so alipa-oowiriyana:

Mwene Sawuli, ahaamwiiwelenle sai Yehova ni etthu xeeni yaamwiirihale ohiiwelela?

Mwaakhule va
Xeeni omwiiwelela Yehova orina aya efaita ovikana mukuttho?

Mwaakhule va
Xeeni ohiiwelela onlikana aya ni etampi ya waaxerya ehako?

Mwaakhule va

Mmusome Luka 16:10. Nuumala-vo, mwaakohe so alipa-oowiriyana:

Xeeni ninreerela ahu wiiwelela hata myaha seiye nnoona ahu wiira saamukhaani?

Mwaakhule va
Itthu xeeni atthu akina anoona aya okhala saamukhaani?

Mwaakhule va

Mukhale mpatthani a Yehova —⁠ Xeeni ninreerela ahu omwiiwelela Muluku hata nihimoonaka? Sofia okhoottaka okopiyari eporova ya naskola mukhwaawe.

Nwehe EVIITIYU Mukhale mpatthani a Yehova — Xeeni ninreerela ahu omwiiwelela Muluku hata nihimoonaka? Nuumala-vo, mwaakohe so alipa-oowiriyana:

Eviitiyu ela, ewiixuttihaleni exeeni?

Mwaakhule va

8. Yoosoma ya Biibiliya ya muloko

(30 min.) Mwiixutte myaha sa Biibiliya, yoosoma 100 ni 101