13-19 YA JULHO
YEREMIYA 16-17
Nsipo 34 ni nivekelo | Masu oopacerya (1 min.)
1. Nikhalaneke ephoole ni atthu nnaaroromela ahu
(10 min.)
Atthu ale anaaroromela apinaatamu paahi, khanimusiveliha Yehova. (Yes 30:1, 2; Yer 17:5)
Atthu awo, sinimwaaphwanya mixankiho. (Yer 17:6; Perspicaz, “Junípero” N.o 2)
Atthu ale animuroromela Yehova, anookhalana okumi wooloka. (Yer 17:7, 8; Owehaweha 09/2022 epaax. 2 etti. 2; Owehaweha 06/2018 epaax. 27 etti. 3)
2. Itthu sa efaita sa mbiibiliyani
(10 min.)
Yer 17:7 — Nnooniherya sai wiira ninnimuroromela Yehova okathi ninwiiwelela ahu ale annihoolela mmutthenkesoni mwa Yehova? (Owehaweha 02/2022 epaax. 4 itti. 7-8)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Yer 17:5-18 (Wiixuttiha, yoosoma 5)
4. Ovaanela woopacerya
(3 min.) OLALEERYA EMPA NI EMPA. Mooniherye ni muthokorerye eviitiyu eri ekaaxa ennikhaliherya wiixuttiha. (Waaphenta Atthu, yoosoma 5 eponto 5)
5. Ohihiya waakhaliherya
(4 min.) OLALEERYA EMPA NI EMPA. Munvahe yoosoma ya Biibiliya. (Waaphenta Atthu, yoosoma 7 eponto 4)
6. Waapaka awiixutti
(5 min.) Okumi Woohimala! yoosoma 19, iponto suulupale, wuuluula ni yoolakela aka. (Waaphenta Atthu, yoosoma 11 eponto 3)
Nsipo 54
7. Nyuwo amiravo, muroromeleke miruku sa mbiibiliyani
(15 min.) Mwaha ni makoho vakhaani.
Satana omusivela vanceene waahapuxa amiravo, yaawo ahinisuwela itthu sinceene. (Map 3:1) Woonasa wene, khula nihiku sinnoophwanyani mixankiho oskola. Musuweleke wiira, munoowerya osyaka mixankiho sinceene vakhala wiira munnimuroromela Yehova ni ele onnileela awe mbiibiliyani. Para khula muxankiho ori vathi-vo, mulepe yoowiiraneya ya mbiibiliyani aahiiso yoolepa emosa enrowa wookhaliheryani.
Akhala wiira anaskola akhwiinyu annooveehani mwaha wa sookupali sanyu.
Akhala wiira mmulokoni, khokhanle mutthu a itaati sanyu, mukhanle anyu ompaka opatthani.
Vakhala wiira naskola mukhwiinyu onimakela owinviyarelani mensaaxe omurumeelaka telefooni aahiiso redes sociais.
Vakhala wiira prusoore anyu onooleelani wiira ti voohiloka ovara muteko wa Muluku wa okathi wootheene nuumala omaliha osoma oskola.
Nwehe EVIITIYU YA IDESENYO SA VAKWAATRUNI YOOTTEELA Niireke Biibiliya onimookhaliheryani? Nuumala-vo, mwaakohe so alipa-oowiriyana:
Eviitiyu ela, ewiixuttihaleni exeeni?
MPAKE ELA: Mwiimananiheke omusoma Biibiliya khula nihiku. Khula nihiku, musomeke ekapiitulu emosa ya mbiibiliyani ni mpeskisariki etthu muniphavela anyu wiiwexexa. Nwehe mahiku makavi muniwerya anyu opaka eyo voohihiyererya. Opaka eyo, enimookhaliheryani okhalana muupuwelo ntoko wa Yesu ni osuwela etthu yoopaka okathi muneehereriwa anyu. — 1Ako 2:16.