27 A JULHO – 2 A AGOSTO
YEREMIYA 20-21
Nsipo 73 ni nivekelo | Masu oopacerya (1 min.)
1. Yeremiya aanilaleerya moolipa murima
(10 min.)
Yeremiya aanilupatthiwa mwaha wowaaleela atthu muhupi woophukela wa Yehova. (Yer 20:2, 8)
Yeremiya aahikhulumuwa vanceene mpakha wuupuwela ohiya olaleerya. (Yer 20:9a)
Okhaliheriwaka ni Yehova ni Biibiliya, Yeremiya khaahiyale olaleerya moolipa murima. (Yer 20:9b, 11; Owehaweha 15/03/2011 epaax. 30 etti. 9; Owehaweha 04/2024 epaax. 15 etti. 3)
2. Itthu sa efaita sa mbiibiliyani
(10 min.)
Yer 20:12 — Eversiikulu ela, enniiriha opaka exeeni? (Owehaweha 15/03/2013 epaax. 10 etti. 11)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Yer 20:7-18 (Wiixuttiha, yoosoma 2)
4. Ovaanela woopacerya
(4 min.) OLALEERYA MOOHIILOKIHERYA. Okathi munivaanela anyu, mwaavye enamuna ya omusuweliha mutthu owo wiira mwa Namoona a Yehova. (Waaphenta Atthu, yoosoma 2 eponto 4)
5. Ohihiya waakhaliherya
(4 min.) OLALEERYA EMPA NI EMPA. Nvaanele ni mutthu owo, murumeelaka eponto emosa eri apendise A ebroxuura Waaphenta Atthu. (Waaphenta Atthu, yoosoma 9 eponto 3)
6. Otthokiherya sookupali sanyu
(4 min.) Yowooniherya. Okumi Woohimala!, yoosoma 44 eponto 4. Mwaana insayariki ni maama aahiiso paapa awe etthu onrowa awe ohimya musaala, etthu enimwiiriha ohiirela mpantta ifesta sihinimusivela Yehova. (Wiixuttiha, yoosoma 13)
Nsipo 57
7. Mulavuleke itthu sinaasivela atthu akina
(15 min.) Mwaha ni makoho vakhaani.
Nihinatthi orowa olaleerya, hiyo ninnilokiherya mwaha onrowa waasivela atthu a muttetthe ahu. (Waaphenta Atthu, yoosoma 1 eponto 3) Masi, ankhi moona wiira ookhala mutthu onrowa omusivela mwaha mukina? Muhaana opaka exeeni? Ohinatthi omulaleerya ihapari sooreera mulopwana mmosa ahoona, wanipacerya Yesu aahimureerela murima. (Yoh 9:1, 6, 7, 35-38) Etthu Yesu aapanke awe, enniixuttiha exeeni? Atthu akina yaweha wiira ninnaathokorerya saana, woonasa wene anoowiriyana ihapari sooreera nnaalaleerya ahu. Nto okathi ninlaleerya ahu mmaitthokoni, ti vooloka olavula itthu sinaasivela atthu akina ni waathokorerya saana.
Mmusome 1 Akorinto 9:20-23. Nuumala-vo, mwaakohe so alipa oowiriyana:
Murummwa Paulo, oonihenrye sai wiira aanaathokorerya saana atthu aalaleerya awe?
Xeeni murummwa Paulo aimananiha awe waalaleerya atthu moovarihana ni makhalelo aya?
Nwehe EVIITIYU “Mphaveleke vanceene olaleya ihapari sooreera” — Murumeeleke ikaruma sooreerela — Eviitiyu yaamukhaani. Nuumala-vo, mwaakohe so alipa oowiriyana:
Nnaamwi munna ole aalokihenrye mwaha aarowa awe olavula, xeeni aaturunke awe etthu aarowa awe ohimya?
Xeeni vari aya vooloka waathokorerya saana atthu akina?
8. Yoosoma ya Biibiliya ya muloko
(30 min.) Mulipe murima mmuroromelaka Yehova, moolumo oopacerya a mpantta 1, ekaraafiku, ni ekapiitulu 1