20-26 YA JULHO

MIHAKHU SINIKHUMA MBIIBILIYANI

1. Nnaamwi mpanke ene etampi yuulupale, munoowerya otthikela okhala mpatthani a Yehova

(10 min.)

Yehova aahaaleela atthu a oYuda wiira ahiye opaka itthu soohiloka. (Yer 18:11; Owehaweha 04/2025 epaax. 4 etti. 10)

Awo yanwerya ohiya opaka itampi suulupale ni oxintta muupuwelo aya woowi: “Eyo khenivareleya muteko!” (Yer 18:12)

Nave hiyo, nnoowerya ohiya opaka itthu soohiloka. (Yer 18:7, 8; Owehaweha 08/2025 epaax. 23 etti. 11)

Muthiyana mmosa owehaka ota ori ene vaxanelani, owo onnaaweha anamathelana Anamoona a Yehova, amulaleeryaka visiinya awe. Owo ookhalana “Biibiliya a elapo esya” a khalai ni eliivuru ya esipo opuro onipweha awe iliivuru.

2. Itthu sa efaita sa mbiibiliyani

(10 min.)

Yer 18:6; 19:10, 11 — Okhala wiira Yehova mulipa-oowuupa, onaakhaliherya sai atthu? (Owehaweha 07/2025 ipaax. 15-16 etti. 5; Owehaweha 06/2016 ipaax. 6-7 itti. 2-3)

Mwaakhule va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Yer 19:1-11 (Wiixuttiha, yoosoma 5)

MUKHALELEKE NT HITI MUTEKO WOOLALEERYA

4. Ovaanela woopacerya

(4 min.) OLALEERYA EMPA NI EMPA. Munvahe ni mmooniherye moota enipakiwa aya yoosoma ya Biibiliya. (Waaphenta Atthu, yoosoma 4 eponto 3)

5. Ohihiya waakhaliherya

(4 min.) OLALEERYA EMPA NI EMPA. Mutthikele othokorerya efolyeeto mwaahiyale anyu ekwaha yookiserya. (Waaphenta Atthu, yoosoma 9 eponto 3)

6. Otthokiherya sookupali sanyu

(4 min.) Mwaha. Owehaweha 02/2024 epaax. 30 itti. 6-9 — Muru: Biibiliya onihimya exeeni sa othanla mootaphuwa? (Wiixuttiha, yoosoma 20)

MAKHALELO A MAKRISTAU

7. Itthu mukhanle anyu oopaka wiira mutthikele omurumeela Yehova

(15 min.) Mwaha ni makoho vakhaani.

Atthu anceene ahiyale omurumeela Yehova, nlelo annimphenta. Masi awo, khanisuwela moota wootthikela omurumeela ni anuupuwela wiira khaniphwanela okhala arumeyi a Yehova. Ntoko khalai aakhalihenrye awe atthu akina otthikela omurumeela, olelo-va, Yehova onniphavela vanceene waakhaliherya ale ahiyale omukokhorela wiira atthikele omurumeela.

Mutthu ohiyale omurumeela Yehova, ohuupuweleke wiira onoowerya otthikela ovara itthu sootheene aavara awe mmutthenkesoni mwa Yehova ekwaha emosa-ru paahi. Onnivira okathi wiira otthikele ovara miteko sootheene aavara awe mmutthenkesoni mwa Yehova. Onrowa owerya sai otthikela omurumeela Yehova vakhaani-vakhaani?

Munvekeleke Yehova wiira ookhalihenryeni. (1Pe 5:7) Yehova onnileiherya onikhaliherya ni onilipiha. — Yes 40:28, 29
Khula nihiku mwiixutteke etthu ya mbiibiliyani enrowa wookhaliheryani olipiha waamini wanyu. Nyuwo pooti osoma mwaha mmosa ori esaiti ahu jw.org aahiiso osoma wala owiriyana iversiikulu vakhaani sa mbiibiliyani. Ntoko siisaale olya onnikhaliherya aya okhalana okumi ni ikuru, omusoma Biibiliya ni iliivuru sinimutthokiherya Biibiliya onnilipiha ompatthani ahu ni Yehova. — Esa 1:2, 3
Mwiimananiheke ohipiserya orowela mithukumano. Mwaha woowi, omithukumanoni, Yehova onimoolipihani vanceene. — Ahe 10:24, 25

Mpantta onooniheriwa eviitiyu eni: “Koorukunuxa murima aka”. Murokora onooniheriwa nviitiyuni, onnaakheliwa oratteene ni anna ni arokora okathi onikela awe empa ya Omwene.

Nwehe EVIITIYU Koorukunuxa murima aka. Nuumala-vo, mwaakohe so alipa-oowiriyana:

Eviitiyu ela ewiixuttihaleni exeeni?

Mwaakhule va

8. Yoosoma ya Biibiliya ya muloko

(30 min.) Mulipe murima mmuroromelaka Yehova, “Ekarta ya Nikhuuru Noolamulela” ni Moolumo oopacerya