Mulipeke Murima Okathi Munilupatthiwa Anyu

Mmusome Yeremiya 38:1-13 wiira mwiixutte olipa murima oonihenrye awe Profeta Yeremiya ni mulopwana oohuliwa oniitthaniwa Ebedi-Meleki.

Mwiixutte itthu sikina siiraneyale okathi ole. Yeremiya oonihenrye sai olipa murima okathi aalaleya awe ihapari sa Yehova? (Yer. 27:12-14; 28:15-17; 37:6-10) Atthu yoonenle sai nuumala wiiwa ele Yeremiya aahimeerya awe? — Yer. 37:15, 16.

Mutokose itthu sikina. Atthu yaaphavela wiira Yeremiya opake exeeni? (Jeremias ipaax. 26-27 itti. 20-22) Nwehe ehime xeeni yaarumeeliwe ni moota yaakhala aya khalai. (Perspicaz vol. 1 epaax. 499) Yeremiya oonenle sai okathi aariheliwe awe mweehimeni yaarina mattophe? Etthu xeeni Ebedi-Meleki oova awe? — A Sentinela 01/05/2012 epaax. 31 itti. 2-3.

Exeeni muniixutta anyu ni yoowiiraneya ela? Mwiikoheke so:

• ‘Yoowiiraneya ela enikiixuttiha exeeni moota Yehova onaakhapelela awe arumeyi awe oororomeleya?’ (Esa. 97:10; Yer. 39:15-18)

• ‘Okathi xeeni kinireerela aka wooniherya olipa murima?’

• ‘Kinrowa wuncererya sai olipa waka murima okathi kineehereriwa aka?’ (A Sentinela 01/03/2011 epaax. 30)a