Manaye aanivaha efaita yuulupale omurumeela Yehova

Manaye aari vamosa ni ale yaahoolela muloko wa wAntiyokiya okathi wa makristau oopacerya. Owo “aasomme vamosa ni mwene Herodi”. (Mit. 13:1) Tivonto, Manaye aahisoma vanceene ni annuwale emusi yoottittimiheya.

Moohicikha moota annuwale awe, Manaye aahithanla okhala mukristau ni okhaliherya muloko. Owo khaarumenle osuwela wawe aahiiso osoma wawe wiira iiphwanyihe mureerelo. Ohiya-vo, owo aanaakhaliherya anna ni arokora.

Ntakiheryo na Manaye, ninnooniherya wiira etthu yootepexa okhalana efaita, omurumeela Yehova, ohiya ophavela ovuwa. Nimutakihaka Manaye, nihaana ohela nipuro noopacerya omurumeela Yehova, ohiya ophavela okhala thaaciri aahiiso ovuwa. (Math. 6:33) Nnaamwi nvahaka efaita osoma, masi “musuweleke othanla itthu sootepa okhalana efaita.” Nave muheemererye wiira muteko anyu, okhale nipuro noopacerya ovikana miteko sa Muluku. — Afil. 1:​9, 10.