Saabadu, 11 a Abril
Tivo, mwiipasoopeke wiira muhipwetexe miteko sahu, seiyo nivanre ahu ni wiilipiha. Ohiya-vo, mphwanye otthuveliwa woomalela. — 2 Yoh. 8.
Yehova onipattunxe mwa enamuna ya vameekhaaya. Yehova onipattunxe wiira nihakalaleke mwaha wa okhala atthu oovaha ovikana ovahiwa. Nave-tho, hiyo ninnitepa ohakalala mwaha woosuwela wiira noowerya waakhaliherya anna. Ohiya-vo, ti vootepa ohakalaliha okathi awo annixukhurela aya. Hata atthu akina ahixukhurelaka etthu nipanke ahu, ninnihakalala mwaha woosuwela wiira noopaka etthu yooloka. Muhiliyale wiira “Yehova onoowerya woovahani itthu sinceene ovikana” iye nvahale anyu. (2 Wah. 25:9) Ekeekhai ti yoowi vaavo ninlavula ahu sa ovaha, khuuvo oninvikana Yehova! Nave-tho, khuuvo ohakalala mutthu oniphwanya awe ovikana otthuveliwa ni Yehova. Tivonto, noolakela ohihiya omutakiha Tiithi ahu oovaha, Yehova. w24.09 31 itti. 20-21
6-12 YA ABRIL
YESAYA 50-51
Nsipo 88 ni nivekelo | Masu oopacerya (1 min.)
1. Mmwiiweleleke ole iixuttihiwe ni Yehova
(10 min.)
Yehova aahimwiixuttiha Yesu wiirimu, ohinatthi orwa valaponi. (Yes 50:4; Omwene wa Muluku Onnilamulela, muru 17 epaax. 182 etti. 5)
Yesu aaniphavela vanceene wiixutta. (Yes 50:5; Murwe Mukitthareke, muru 13 epaax. 133 etti. 13)
Ale animoova Yehova, nave-tho annimwiiwelela Yesu. (Yes 50:10; Yoh 10:27)
WIIRA MUUPUWELELE: Kinrowa omutakiha sai Yesu kikhalaka mutthu oniphavela wiixuttihiwa?—1Pe 2:21.
2. Itthu sa efaita sa mbiibiliyani
(10 min.)
Yes 51:3 — Xeeni ninsiveliwa ahu okhalana Yesu ntoko Mwene ahu? (Owehaweha 03/2023 epaax. 4 etti. 8)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Yes 50:1-11 (Wiixuttiha, yoosoma 2)
4. Ovaanela woopacerya
(3 min.) OLALEERYA MOOHIILOKIHERYA. Nvaanele ni koleeka anyu a omutekoni voohimya sa muthukumano wa wuupuwelela. (Waaphenta Atthu, yoosoma 2 eponto 4)
5. Ohihiya waakhaliherya
(4 min.) OLALEERYA EMPA NI EMPA. Mwaneene etthoko, aahirowela muthukumano wa wuupuwelela. Mmulattule muthukumano onittharelana. (Waaphenta Atthu, yoosoma 9 eponto 4)
6. Otthokiherya sookupali sanyu
(5 min.) Yoowooniherya. Makoho Biibiliya onaakhula awe, mwaha 140 etti. 4 — Muru: Niireke mutthu pooti woopowa mwaha wa omwaamini Yesu paahi? (Waaphenta Atthu, yoosoma 11 eponto 5)
Nsipo 99
7. Sootthuneya sa mmulokoni
(15 min.)