Tuesday, September 1
Make una continue to test whether una dey for the faith.—2 Cor. 13:5.
Na true say we need to do our best to be mature Christians. But even after we don become mature Christian, we still need to do our best to continue to be mature Christian. This one mean say we no go over trust ourself, and de think say we no need to continue to work hard to make our friendship with Jehovah strong. (1 Cor. 10:12) So make we continue to check ourself to make sure say we de make our friendship with Jehovah grow. For the letter wey apostle Paul write to the Christians for Colossae, Paul show say them need to continue to be mature Christian. Even though say them don already be mature Christians, Paul tell them say make them dey careful so that them no go start to think like people for the world. (Col. 2:6-10) Epaphras wey know the brothers and sisters for congregation well de always pray for them so that them go “stand strong as mature people.” (Col. 4:12) Wetin we fit learn from this one? Apostle Paul and Epaphras understand say for us to continue to be mature Christians, we need Jehovah help, and we need to continue to do our best to make our friendship with Jehovah continue to grow. Them want make brothers and sisters for Colossae continue to be mature Christians no matter wetin them de face. w24.04 6-7 ¶16-17
AUGUST 31–SEPTEMBER 6
JEREMIAH 31
Song 27 and Prayer | Wetin We Go Learn? (1 min.)
1. “I Go Make . . . New Agreement”
(10 min.)
Jehovah promise say e go replace the agreement wey e make through Moses with “new covenant” wey go help more people and wey go last forever (Jer 31:31, 32; jr 169 ¶4)
The new agreement go dey between Jehovah and the Israel of God, and e go make-am possible for Jehovah to forgive our sins (Jer 31:33, 34; jr 171 ¶9)
Christians wey no dey part of the Israel of God go gain from the new agreement (w10 3/15 27 ¶14; jr 177 ¶18)
2. Fine-Fine Things Wey You See for Bible
(10 min.)
Jer 31:15—Wetin be the different ways wey them explain this prophecy? (it “Ramah” No. 1 ¶3)
Wetin you learn from this week Bible reading wey you go like talk about?
3. Bible Reading
(4 min.) Jer 31:1-11 (th study 12)
4. When You De Start Discussion
(3 min.) HOUSE TO HOUSE. Ask person whether e go like to study Bible. (lmd lesson 4 point 3)
5. When You De Start Discussion
(4 min.) INFORMAL WITNESSING. Use ijwyp article 106 to help your classmate wey no dey happy because e feel say the teacher harsh. (lmd lesson 3 point 3)
6. Explain Wetin You Believe
(5 min.) Talk. ijwfq article 37—Topic: Why Jehovah Witness People No De Put Hand for Politics? (th study 14)
Song 67
7. De Adjust Your Preaching Style—Use JW.ORG
(15 min.) Make una discuss-am together.
We de try our best to think about wetin people for the territory go like to talk about and prepare for them. But, sometimes the householder go talk something wey we no prepare to discuss. Wetin fit help us to adjust quick-quick if this one happen?
Play the VIDEO “Na Iron De Make Iron Sharp”—Better Way to Use JW.ORG—Short part. After, make una answer this questions:
Imagine say you de preach from house to house for campaign time and one householder tell you say e no believe say God dey because e feel say God abandon-am when bad thing happen to-am.
Before we fit start to talk about Bible, how we fit show say we care about the person?—Jas 1:19
Which Bible verse you fit use? How you fit find that verse for jw.org?
If the Bible portion wey you want use no quick come your mind, wetin you go type for the search box wey fit help you find-am?
If you no fit go jw.org or JW Library®, how you fit try to help the householder?
8. Congregation Bible Study
(30 min.) wcg chap. 6