INdumiso

19 Amazulu avakalisa uzuko lukaThixo;+

Yaye isibhakabhaka sixela umsebenzi wezandla zakhe.+

 2 Usuku emva kolunye usuku lubangela ukumpompoza kwentetho,+

Yaye ubusuku emva kobunye ubusuku bubonakalisa ulwazi.+

 3 Akukho ntetho, yaye akukho mazwi;

Aliviwa ilizwi lawo.+

 4 Ulutya lwawo lokulinganisa luphume lwaya emhlabeni wonke,+

Namazwi awo aya esiphelweni somhlaba onemveliso.+

Ulimisele kuwo ilanga intente,+

 5 Kwaye lifana nomyeni xa ephuma egumbini lakhe lomsitho womtshato;+

Ligcoba njengokuba isenza indoda enamandla ukuze ibaleke emendweni.+

 6 Liphuma kwesinye isiphelo samazulu,

Lize liwugqibe umjikelo walo kwesinye isiphelo sawo;+

Yaye akukho nto ifihliweyo kubushushu balo.+

 7 Umthetho+ kaYehova ugqibelele,+ ubuyisa umphefumlo.+

Isikhumbuzo+ sikaYehova sikholosekile,+ simenza abe nobulumko ongenamava.+

 8 Imiyalelo+ evela kuYehova ithe tye,+ iyibangela ibe nemihlali intliziyo;+

Umyalelo+ kaYehova uhlambulukile,+ uwenza akhanye emehlo.+

 9 Ukoyika+ uYehova kusulungekile, kumi ngonaphakade.

Izigwebo+ zikaYehova ziyinyaniso;+ zingqineke zibubulungisa ngokupheleleyo.+

10 Zinqweneleka ngakumbi kunegolide, ewe, kunegolide esulungekiswe kakhulu;+

Yaye zimnandi ngakumbi kunobusi+ nencindi yobusi bamanqatha.+

11 Kwanomkhonzi wakho zimlumkisile;+

Ekuzigcineni kukho umvuzo omkhulu.+

12 Iimpazamo—ngubani na onokuziqonda?+

Ndivakalise ndimsulwa ezonweni ezifihlakeleyo.+

13 Nakwizenzo zokukhukhumala mnqande umkhonzi wakho;+

Musa ukuzivumela zindilawule.+

Ngaloo ndlela ndiya kugqibelela,+

Ndize ndihlale ndimsulwa ekunxaxheni.

14 Amazwi omlomo wam nokucamngca kwentliziyo yam+

Makukukholise, Yehova Liwa lam+ noMkhululi wam.+