IiNdumiso

8 Owu Yehova Nkosi yethu, liyamangalisa igama lakho emhlabeni wonke;

Uzuko lwakho luphakame nangaphezu kwamazulu!*+

 2 Emilonyeni yabantwana neentsana+ ufake amandla

Okulwa neentshaba zakho,

Ukuze uluvale umlomo utshaba nalowo uziphindezelayo.

 3 Xa ndibona amazulu akho, imisebenzi yeminwe yakho,

Inyanga neenkwenkwezi ozenzileyo,+

 4 Uyintoni na umntu ofayo le nto umkhumbulayo,

Nonyana womntu le nto umkhathalelayo?+

 5 Umenze wangaphantsi kancinci kwabo banjengoThixo,*

Waza wamthwesa ngozuko nobukhulu.

 6 Umphathise imisebenzi yezandla zakho;+

Yonke into uyibeke phantsi kweenyawo zakhe:

 7 Zonke iigusha neebhokhwe neenkomo,

Kwanezilwanyana zasendle,*+

 8 Iintaka zezulu neentlanzi zolwandle,

Nantoni na ehamba elwandle.