IiNdumiso

Ndingene emanzini anzulu,

Ibe ndikhukuliswe ngumsinga onamandla.+

 3 Ndidiniwe kukukhwaza;+

Umqala wam uyarhwexa.

 4 Abo bandicaphukela ndingenzanga nto+

Baninzi ngaphezu kweenwele zentloko yam.

Abo banditshabalalisayo,

Iintshaba zam ezinamaqhinga,* zininzi kakhulu.

 5 Owu Thixo, wena uyabazi ubudenge bam,

Awafihlekanga kuwe amatyala am.

 6 Kwanga abo bathembela ngawe bangangahlaziswa ngenxa yam,

Owu yhini Nkosi enguMongami, Yehova wemikhosi.

Kwanga abo bakufunayo bangangahlazeki ngenxa yam,

Owu yhini Thixo kaSirayeli.

 7 Ndenziwa intlekisa ngenxa yakho;+

Ubuso bam bogqunywe lihlazo.+

 8 Kwanabantakwethu basuke abandazi,

Ndisuke ndaba ngowasemzini kubantwana bakamama.+

 9 Ndiyavutha ngaphakathi kukuthanda indlu yakho,+

Yaye abo bakugxekayo bayandigxeka nam.+

10 Ndazithoba ngokungatyi,

Suke ndagxekwa nangaleyo.

11 Ndanxiba amalaphu okwenza ingxowa,

Suke ndaba yinto yokuhlekisa* kubo.

12 Bancokola ngam abo bahlala egeyithini yesixeko,

Sendide ndayingoma yamanxila.

13 Kodwa mna ndithandaza kuwe,

Owu Yehova, ngexesha elamkelekileyo.+

Ngothando lwakho oluninzi olungagungqiyo, owu Thixo,

Ndiphendule uze undisindise.+

14 Ndikhuphe eludakeni;

Sukundiyeka ndeyele.

Ndisindise kwabo bandicaphukelayo

Nasemanzini anzulu.+

15 Sukuwayeka amanzi aqukuqelayo andikhukulise,+

Ungandiyeki ndeyele kumanzi anzulu,

Okanye nditshone equleni.*+

Jika ujonge ngakum, kuba unenceba kakhulu.+

17 Sukubufihla ubuso bakho kumkhonzi wakho.+

18 Sondela undisindise;

Ndikhulule kwiintshaba zam.

Bendinethemba lokuba kukho umntu oza kundisizela, kodwa akubangakho nomnye;+

Ndanethemba lokuba kuza kubakho abathuthuzeli, kodwa akwabikho nomnye.+

21 Endaweni yokutya bandinike ityhefu,*+

Bandithobisa unxano ngeviniga.+

22 Mabarhintyelwe yitafile yabo,

Nokuphumelela kwabo kube ngumgibe.+

23 Makube mnyama emehlweni abo ukuze bangaboni,

Yaye zenze zihlale zingcangcazela izinqe zabo.

24 Yikhuphele kubo ingqumbo yakho,

Bawuve kakuhle umsindo wakho.+

25 Mayingabi namntu inkampu yabo ebiyelweyo;

Makungahlali mntu ezintenteni zabo.+

26 Kuba bayamleqa lowo umbethileyo,

Yaye bahlala bethetha ngeentlungu zabo ubenzakalisileyo.

27 Yongeza isiphoso phezu kwesiphoso sabo,

Mabangabufumani ubulungisa bakho.

28 Mabacinywe encwadini yabaphilayo,*+

Bangabhalwa kunye namalungisa.+

30 Ndiza kulidumisa ngengoma igama likaThixo,

Ndize ndimenze mkhulu ngombulelo.

31 Oku kuza kumkholisa uYehova ngaphezu kwenkunzi yenkomo,

Ngaphezu kwethole lenkomo eliyinkunzi elineempondo neempuphu.+

33 Kaloku uYehova uyawamamela amahlwempu,+

Soze abenyanye abantu bakhe abathinjiweyo.+

34 Malimdumise izulu nomhlaba,+

Iilwandle nayo yonke into eshukumayo kuzo.

35 Kuba uThixo uza kuyisindisa iZiyon+

Aphinde azakhe izixeko zakwaYuda,

Ibe baza kuhlala kuzo, zibe zezabo.

36 Ziza kuba lilifa lenzala yabakhonzi bakhe,+

Baze abo bathanda igama lakhe+ bahlale kuzo.