IiNdumiso

 2 Masize phambi kwakhe* sinombulelo;+

Masimculele sikhwaza kuba soyisile.

 3 Kuba uYehova nguThixo omkhulu,

NoKumkani omkhulu kunabo bonke abanye oothixo.+

 4 Zisesandleni sakhe iingontsi zomhlaba;

Zezakhe iincochoyi zeentaba.+

 5 Ulwandle lolwakhe kuba lwadalwa nguye,+

Nomhlaba owomileyo wenziwa zizandla zakhe.+

 6 Yizani, masikhonze size siqubude;

Masiguqe phambi koMenzi wethu uYehova.+

 7 Kuba yena nguThixo wethu,

Thina singabantu bedlelo lakhe,

Izimvu* ezihoywa nguye.*+

Ukuba niyalimamela ilizwi lakhe namhlanje,+

 8 Sanukuyenza lukhuni intliziyo yenu njengaseMeribha,*+

Njengemini yaseMasa* entlango,+

 9 Xa ookhokho benu bandilingayo,+

Bendivavanya nangona babezibonile izinto endazenzayo.+

“Basisizwana esineentliziyo eziphumileyo endleleni,

Abakhange bazazi iindlela zam.”