Isaya

34 Sondelani, nize kuva nina zintlanga,

Mamelani nina zizwana.

Mawumamele wonke umhlaba nazo zonke izinto ezikuwo,

Ilizwe, nayo yonke imveliso yalo.

 2 Kuba zimcaphukisile uYehova zonke iintlanga,+

Yaye unomsindo ngakumkhosi wazo.+

Uza kuzitshabalalisa;

Uza kuzibulala.+

 3 Baza kuphoswa phandle abo babuleweyo,

Kwaye ivumba lezidumbu zabo liza kunyuka;+

Iintaba ziza kunyibilika ngenxa yegazi* labo.+

 4 Wonke umkhosi wamazulu uza kubola.

Namazulu aza kusongwa, njengomsongo.

Wonke umkhosi wawo uza kubuna,

Kanye njengokubuna kwegqabi lomthi weediliya

Nanjengokuntshwenca kwefiya* kumthi walo.

Liza kwehlela phezu koEdom xa ndimgweba,+

Nakubantu endabanikela kwintshabalalo.

Liza kuba namanqatha,+

Liza kuba negazi lamatakane eegusha aziinkunzi, eleenkunzi zeebhokhwe,

Namanqatha ezintso zeenkunzi zeegusha.

Kuba uYehova uza kubingelela eBhotsera,

Kuza kuxhelwa, hayi nje kancinci kwilizwe lakwaEdom!+

 7 Kuza kwehla neenkunzi zeenkomo zasendle,

Amathole eenkomo aziinkunzi ehle nezinamandla.

Kuza kuba bubutyadidi nje ligazi kwilizwe labo,

Nomhlaba wabo uza kuchininika ngamafutha.”

 8 Kuba uYehova ubeke imini yokuziphindezela,+

Unyaka wokulwela iZiyon.+

 9 Imilambo yakwaEdom* iza kujikwa ibe yitela,

Nothuli lube yisalfure,

Ilizwe liza kuba njengetela evuthayo.

10 Imini nobusuku alizukucinywa;

Umsi walo uza kunyuka ngonaphakade.

Liza kuhlala litshabalele izizukulwana ngezizukulwana;

Akuzukudlula mntu kwaphela apho de kube ngunaphakade kanaphakade.+

11 Liza kuba likhaya lengcwangube nencanda,

Kuhlale amafubesi namahlungulu.

UThixo uza kolula phezu kwalo intambo yokumeta into engekhoyo

Intambo yokumeta* into etshabaleleyo.

12 Akukho namnye kwizikhulu zalo oza kuba ngukumkani,

Lingazukuba nazo kwaneenkosana ezo.

13 Kuza kuhluma ameva kwiinqaba zalo,

Irhangarhanga nokhula olunameva kwizakhiwo ezikhuselekileyo.

Liza kuba sisigqubu soodyakalashe,+

Ihoko yeenciniba.

14 Kuza kudibana apho izilwanyana zasentlango nezilwanyana ezenza umkhulungwane,

Nebhokhwe yasendle* ibize ugxa wayo.

15 Inyoka ejubayo iza kuzenzela indlwane apho, izale amaqanda,

Iwaqandusele ize iwaqokelele ndawonye phantsi komthunzi wayo.

Akukho nasinye kwezi zilwanyana siza kungabikho;

Kungekho nasinye siza kudinga iqabane,

Kuba lo myalelo uphuma emlonyeni kaYehova,

Ibe ngumoya wakhe oziqokelele ndawonye.

17 Zilenzelwe nguye iqashiso,

Ibe sisandla sakhe esilinganise ummandla wazo.*

Uza kuhlala ulikhaya lazo;

Ziza kuhlala kuwo, izizukulwana ngezizukulwana.