IMizekeliso

22 Igama elihle lingcono* kunobutyebi obuninzi;+

Ukuhlonitshwa* kubhetele kunesilivere negolide.

 3 Umntu olumkileyo uyibona iseza ingozi aze ayiphephe,

Kodwa ongenamava uya ngqo kuyo aze achaneke.*

 4 Umphumo wokuthobeka nokoyika uYehova

Bubutyebi, uzuko nobomi.+

 5 Indlela yomntu onamaqhinga inameva nemigibe,

Kodwa umntu obuxabisileyo ubomi bakhe uhambela kude kuyo.+

 6 Yiqeqeshe inkwenkwe* ngendlela emele ihambe ngayo;+

Naxa sele indala soze isuke kuyo.+

 7 Isityebi siyalilawula ihlwempu,

Nalowo ubolekayo sisicaka salowo ubolekisayo.+

 8 Nabani na ongenzi bulungisa uza kuhlelwa yintlekele,+

Nentonga yomsindo wakhe iza kwaphuka.+

 9 Umntu othanda ukupha* uza kusikelelwa,

Kuba wahlulelana namahlwempu ngokutya kwakhe.+

10 Mgxothe umntu ogxekayo,

Iza kutsho iphele ingxabano,

Kuphele neengxwaba-ngxwaba* nezithuko.

11 Umntu onentliziyo emsulwa nothetha kamnandi

Uza kuba ngumhlobo kakumkani.+

12 Amehlo kaYehova akhusela ulwazi,

Kodwa uyawatshitshisa amazwi omntu onamaqhinga.+

15 Ubudenge bubophelelekile entliziyweni yenkwenkwe,*+

Kodwa intonga yengqeqesho iza kubususa kuyo.+

16 Umntu oqhatha ihlwempu ukuze andise ubutyebi bakhe+

Nomntu onika isityebi izipho

Uza kuphela elihlwempu.

17 Wavulele indlebe uze uwamamele amazwi ezilumko,+

Ukuze ufake iimfundiso zam entliziyweni yakho,+

18 Kuba uza kuncedakala ngokuwagcina entliziyweni yakho,+

Ahlale esemilebeni yakho.+

19 Ndikunika ulwazi namhlanje,

Ukuze uthembele ngoYehova.

20 Andikubhalelanga na,

Ndakunika amacebiso nolwazi,

21 Ukuze ndikufundise amazwi athembekileyo nayinyaniso,

Utsho ukwazi ukubuyisela ingxelo echanileyo kulowo ukuthumileyo?

22 Sukulixhaphaza ihlwempu kuba lingenanto,+

Ungamcinezeli nomntu ohluphekayo egeyithini yesixeko,+

23 Kuba baza kuthethelelwa nguYehova ngokwakhe+

Aze abatshabalalise abo babaxhaphazayo.

24 Sukuhlobana nomntu okhawuleza abe nomsindo

Okanye uhlobane nomntu okhawulezayo ukucaphuka,

25 Ukuze ungafundi iindlela zakhe

Kuze oko kube ngumgibe kuwe.+

26 Uze ungabi phakathi kwabo benza isivumelwano ngokuxhawulana ngezandla,

Bakhuphe isibambiso ngezinto ezibolekwe abanye.+

27 Xa ungakwazi ukubhatala,

Ibhedi yakho iza koxuthwa usalele kuyo!

28 Ungaze uwususe umda

Owabekwa ngookhokho bakho kudala.+

Uza kuma phambi kookumkani;+

Akazukuma phambi kwabantu abaqhelekileyo.