IiNdumiso

Dumisani uYehova emazulwini;+

Mdumiseni ezindaweni eziphakamileyo.

 4 Mdumiseni nina mazulu asemajukujukwini,*

Nani mafu asesibhakabhakeni.

 5 Zonke mazidumise igama likaYehova,

Kuba wazidala ngomyalelo wakhe.+

 6 Uzigcina zikho ngonaphakade kanaphakade;+

Uwise umthetho ongasoze uphelelwe.+

 7 Dumisani uYehova emhlabeni,

Nina zilwanyana zikhulu zaselwandle, nani nonke manzi anzulu,

 8 Wena mbane nawe sichotho, khephu nawe mafu,

Wena saqhwithi, ofezekisa ilizwi lakhe,+

 9 Nina zintaba nani nonke zinduli,+

Nina mithi yeziqhamo nani nonke misedare,+

10 Nina zilwanyana zasendle+ nani nonke zilwanyana zasekhaya,

Nina zinto zirhubuluzayo nani zintaka,

11 Nina bokumkani bomhlaba nani nonke zintlanga,

Nina zinkosana nani nonke bagwebi bomhlaba,+

12 Nina bafana nani zintombi,*

Nina madoda nani makhwenkwe.

13 Mabalidumise igama likaYehova,

Kuba lilo lodwa eliphakame ngokungenakufikeleleka.+

14 Uza kubenza babe namandla kakhulu* abantu bakhe,

Ukuze badunyiswe bonke abathembekileyo kuye,

Oonyana bakaSirayeli, isizwe asithandayo.