IiNdumiso

Kumalathisi; idlalwa ngeSheminiti.* Ingoma emnandi kaDavide.

12 Owu yhini Yehova ndisindise, kuba abasekho abantu abathembekileyo;

Abanyanisekileyo banyamalele koonyana babantu.

2 Bayaqhathana;

Bayakhohlisa ngemilebe yabo* baze bathethe ngeentliziyo ezinobuqhophololo.*+

3 UYehova uza kuyinqumla yonke imilebe eqhathayo

Nolwimi oluhlala luqhayisa,+

4 Abo bathi: “Siza koyisa ngolwimi lwethu.

Senza unothanda ngemilebe yethu;

Ingangubani onokuba yinkosi yethu?”+

5 “Ngenxa yokuba becinezelwe abasentlungwini,

Ngenxa yokuncwina kwamahlwempu,+

Ndiza kuphakama ndiwalwele,” utsho uYehova.

“Ndiza kuwasindisa kwabo bawaphatha kakubi.”*

6 Amazwi kaYehova amsulwa,+

Anjengesilivere esulungekiswe kwiziko elakhiwe ngodongwe,* yacocwa kasixhenxe.

7 Wena Yehova, uza kubagada;+

Uza kubakhusela ngonaphakade bonke kwesi sizukulwana.

8 Abenzi-bubi bayazula benganqandwa mntu

Kuba oonyana babantu bakhuthaza ubundlobongela.+