IiNdumiso

Dumisani igama likaYehova;

Mdumiseni, nina bakhonzi bakaYehova,+

 2 Nina nimi endlini kaYehova,

Kwiiyadi zendlu yoThixo wethu.+

 4 Kaloku uYa uzikhethele uYakobi,

Ukhethe uSirayeli ukuba abe ngowakhe.*+

 5 Kuba mna ndiyazi ukuba uYehova mkhulu;

INkosi yethu ingaphezu kwabo bonke abanye oothixo.+

 6 UYehova wenza yonke into athanda ukuyenza+

Ezulwini nasemhlabeni, kwiilwandle nakuwo onke amanzi anzulu.

 7 Ubangela ukuba amafu anyuke evela* kwezona ndawo zikude emhlabeni;

Imvula uyenzela umbane;*

Ukhupha umoya koovimba bakhe.+

 8 Waxabela amazibulo aseYiputa,

Awabantu nawezilwanyana.+

 9 Wenza imiqondiso nemimangaliso phakathi kwakho Yiputa,+

KuFaro nakubakhonzi bakhe bonke.+

10 Waxabela iintlanga ezininzi,+

Wabulala nookumkani abanamandla,+

11 USihon ukumkani wama-Amori,+

UOgi ukumkani waseBhashan,+

Nazo zonke izizwe zakwaKanan.

12 Walohlutha ilizwe labo,

Walinika uSirayeli abantu bakhe, laba lilifa labo.+

14 Kuba uYehova uza kubakhusela* abantu bakhe,+

Ibe uza kubavela abakhonzi* bakhe.+

15 Izithixo zeentlanga ziyisilivere negolide,

Zenziwe ngabantu.+

16 Zinomlomo, kodwa azithethi;+

Zinamehlo, kodwa aziboni;

17 Zineendlebe, kodwa aziva.

18 Abantu abazenzileyo baza kuba njengazo kanye,+

Kube njalo nakwabo bathembele ngazo.+

21 Makadunyiswe uYehova eZiyon,+

Lowo ohlala eYerusalem.+