Ngaba Sinokuyihambisa Incwadi Ethi Creator?

Sachulumanca sonke sakufumana incwadi ethi Is There a Creator Who Cares About You? Yincwadi eyenzelwe ngokukhethekileyo abo basenokuba, ngoxa befunde bayityekeza imfundo yehlabathi, kodwa babe bengakholelwa kuThixo. Le ncwadi izalisa intswelo ekhulayo.

Ngezizathu ezicacileyo uncwadi oluhanjiswa inyanga nganye ludla ngokuba ziimpapasho ezinomtsalane. Ngaba oku kuthetha ukuba sifanele singayihambisi incwadi ethi Creator? Nakanye! Le ncwadi isenokuhanjiswa nanini na enyakeni kubantu abangakholelwayo kuThixo nabasenokungenelwa kuyo. Kwakhona isenokuhanjiswa kubantu abakholelwayo kuThixo kodwa bengaqondi kakuhle ukuba ungubani na okanye ziziphi iimpawu anazo neenjongo zakhe. Ngoko ke uyakhuthazwa ukuba ube nombhalo wayo kwingxowa yakho yokunikela ubungqina uze ukulungele ukuyihambisela nabani na ocinga ukuba uya kuba nomdla wokuyifunda.