6 Bí wọ́n ṣe wọlé, tí ó sì rí Élíábù,+ ó sọ pé: “Ó dájú pé ẹni àmì òróró Jèhófà ló dúró yìí.” 7 Ṣùgbọ́n Jèhófà sọ fún Sámúẹ́lì pé: “Má wo ìrísí rẹ̀ àti bí ó ṣe ga tó,+ torí pé mo ti kọ̀ ọ́. Nítorí ọ̀nà tí èèyàn gbà ń wo nǹkan kọ́ ni Ọlọ́run gbà ń wo nǹkan, torí pé ohun tí ó bá hàn síta ni èèyàn ń rí, ṣùgbọ́n Jèhófà ń rí ohun tó wà nínú ọkàn.”+ 8 Jésè bá pe Ábínádábù,+ ó sì ní kí ó kọjá níwájú Sámúẹ́lì, àmọ́ ó sọ pé: “Jèhófà kò yan eléyìí náà.” 9 Lẹ́yìn náà, Jésè mú Ṣámà wá,+ ṣùgbọ́n ó sọ pé: “Jèhófà kò yan eléyìí náà.” 10 Nítorí náà, Jésè mú kí méje lára àwọn ọmọkùnrin rẹ̀ kọjá níwájú Sámúẹ́lì, àmọ́ Sámúẹ́lì sọ fún Jésè pé: “Jèhófà kò yan ìkankan lára wọn.”