Sáàmù

Mo ti dé inú ibú omi,

Odò tó ń yára ṣàn sì gbé mi lọ.+

 3 Ó ti rẹ̀ mí nítorí igbe tí mò ń ké;+

Ọ̀fun mi ti há.

 4 Àwọn tó kórìíra mi láìnídìí+

Pọ̀ ju irun orí mi lọ.

Àwọn tó fẹ́ pa mí,

Àwọn oníbékebèke tí wọ́n jẹ́ ọ̀tá mi* ti pọ̀ gan-an.

 5 Ọlọ́run, o mọ ìwà òmùgọ̀ mi,

Ẹ̀bi mi kò sì pa mọ́ lójú rẹ.

 6 Kí àwọn tó gbẹ́kẹ̀ lé ọ má ṣe rí ìtìjú nítorí tèmi,

Olúwa Ọba Aláṣẹ, Jèhófà Ọlọ́run àwọn ọmọ ogun.

Kí àwọn tó ń wá ọ má ṣe tẹ́ nítorí tèmi,

Ìwọ Ọlọ́run Ísírẹ́lì.

 7 Wọ́n pẹ̀gàn mi nítorí rẹ;+

Ẹ̀tẹ́ bá mi.+

 8 Mo ti di àlejò sí àwọn arákùnrin mi,

Mo sì ti di àjèjì sí àwọn ọmọ ìyá mi.+

 9 Ìtara ilé rẹ ti gbà mí lọ́kàn,+

Ẹ̀gàn ẹnu àwọn tó ń pẹ̀gàn rẹ sì ti wá sórí mi.+

10 Nígbà tí mo rẹ ara* mi sílẹ̀ pẹ̀lú ààwẹ̀ gbígbà,*

Wọ́n pẹ̀gàn mi nítorí èyí.

11 Nígbà tí mo gbé aṣọ ọ̀fọ̀* wọ̀,

Mo di ẹni ẹ̀gàn* lójú wọn.

12 Èmi ni àwọn tó ń jókòó ní ẹnubodè fi ń ṣe ọ̀rọ̀ sọ,

Ọ̀rọ̀ mi sì ni àwọn ọ̀mùtí fi ń ṣe orin kọ.

13 Àmọ́, kí àdúrà mi wá sọ́dọ̀ rẹ,

Jèhófà, ní àkókò ìtẹ́wọ́gbà.+

Nínú ọ̀pọ̀ ìfẹ́ rẹ tí kì í yẹ̀, ìwọ Ọlọ́run,

Fi àwọn iṣẹ́ ìgbàlà rẹ dá mi lóhùn.+

14 Yọ mí nínú ẹrẹ̀;

Má ṣe jẹ́ kí n rì.

Gbà mí lọ́wọ́ àwọn tó kórìíra mi

Kí o sì yọ mí nínú ibú omi.+

15 Má ṣe jẹ́ kí omi tó ń yára ṣàn gbé mi lọ,+

Tàbí kí ibú omi bò mí mọ́lẹ̀,

Tàbí kí kànga* pa dé mọ́ mi.+

Nínú ọ̀pọ̀ àánú rẹ, yíjú sí mi,+

17 Má sì fi ojú rẹ pa mọ́ fún ìránṣẹ́ rẹ.+

18 Sún mọ́ mi, kí o sì gbà mí sílẹ̀;*

Gbà mí lọ́wọ́ àwọn ọ̀tá mi.

Mò ń retí pé màá rí ẹni bá mi kẹ́dùn, àmọ́ kò sí,+

Mo sì ń retí pé màá rí olùtùnú, àmọ́ mi ò rí ìkankan.+

21 Májèlé* ni wọ́n fún mi dípò oúnjẹ,+

Ọtí kíkan ni wọ́n sì fún mi láti fi pa òùngbẹ.+

22 Jẹ́ kí tábìlì wọn di pańpẹ́ fún wọn,

Kí aásìkí wọn sì di ìdẹkùn.+

23 Jẹ́ kí ojú wọn ṣú, kí wọ́n má lè ríran,

Sì mú kí ẹsẹ̀* wọn máa gbọ̀n nígbà gbogbo.

24 Da ìbínú* rẹ sí wọn lórí,

Sì mú kí ìbínú rẹ tó ń jó bí iná dé bá wọn.+

25 Jẹ́ kí ibùdó wọn* di ahoro;

Kí ó má ṣe sí ẹnì kankan tí á máa gbé inú àgọ́ wọn.+

26 Nítorí ẹni tí o ti lù ni wọ́n ń lépa,

Wọ́n sì ń sọ nípa ìrora àwọn tí o ṣe léṣe.

27 Jẹ́ kí wọ́n jẹ ẹ̀bi lé ẹ̀bi,

Kí wọ́n má sì ní ìpín kankan nínú òdodo rẹ.

28 Jẹ́ kí a pa orúkọ wọn rẹ́ kúrò nínú ìwé àwọn alààyè,*+

Kí a má sì kọ orúkọ wọn mọ́ àwọn olódodo.+

30 Màá kọ orin ìyìn sí orúkọ Ọlọ́run,

Màá sì fi ọpẹ́ gbé e ga.

31 Èyí máa mú inú Jèhófà dùn ju akọ màlúù,

Ju akọ ọmọ màlúù tó ní ìwo àti pátákò.+

33 Nítorí Jèhófà ń fetí sí àwọn aláìní,+

Kò sì ní fojú pa àwọn èèyàn rẹ̀ tó wà lóko ẹrú rẹ́.+

34 Kí ọ̀run àti ayé máa yìn ín,+

Àwọn òkun àti ohun gbogbo tó ń rìn nínú wọn.

35 Ọlọ́run yóò gba Síónì là,+

Yóò tún àwọn ìlú Júdà kọ́,

Wọ́n á máa gbé ibẹ̀, àwọn ni yóò sì ni ín.*

36 Àtọmọdọ́mọ àwọn ìránṣẹ́ rẹ̀ yóò jogún rẹ̀,+

Àwọn tó fẹ́ràn orúkọ rẹ̀ + yóò sì máa gbé inú rẹ̀.