Àìsáyà

59 Wò ó! Ọwọ́ Jèhófà kò kúrú jù láti gbani là,+

Bẹ́ẹ̀ ni etí rẹ̀ kò di* tí kò fi lè gbọ́.+

Àwọn ẹ̀ṣẹ̀ yín ti mú kó fi ojú rẹ̀ pa mọ́ fún yín,

Ó sì kọ̀ láti gbọ́ yín.+

 3 Torí ẹ̀jẹ̀ ti sọ àtẹ́lẹwọ́ yín di eléèérí,+

Ẹ̀ṣẹ̀ sì ti sọ ìka yín di eléèérí.

 4 Kò sí ẹni tó ń wá òdodo,+

Kò sí ẹni tó ń fi òótọ́ inú lọ sí ilé ẹjọ́.

 5 Wọ́n pa ẹyin ejò olóró,

Wọ́n sì hun òwú aláǹtakùn.+

Ẹnikẹ́ni tó bá jẹ ẹyin wọn máa kú,

Ẹyin tí wọ́n sì tẹ̀ fọ́ mú ejò paramọ́lẹ̀ jáde.

 6 Òwú aláǹtakùn wọn ò ní dà bí aṣọ,

Wọn ò sì ní fi ohun tí wọ́n ṣe bo ara wọn.+

Iṣẹ́ wọn léwu,

Ìwà ipá ló sì kún ọwọ́ wọn.+

 7 Ẹsẹ̀ wọn ń sáré láti hùwà burúkú,

Wọ́n sì ń yára láti ta ẹ̀jẹ̀ aláìṣẹ̀ sílẹ̀.+

Ohun burúkú ni wọ́n ń rò;

Ìparun àti ìyà wà ní àwọn ọ̀nà wọn.+

 8 Wọn ò mọ ọ̀nà àlàáfíà,

Kò sí ìdájọ́ òdodo ní àwọn ipa ọ̀nà wọn.+

Wọ́n mú kí àwọn ọ̀nà wọn wọ́;

Ìkankan nínú àwọn tó ń rìn níbẹ̀ kò ní mọ àlàáfíà.+

 9 Ìdí nìyẹn tí ìdájọ́ òdodo fi jìnnà sí wa,

Tí òdodo kò sì lé wa bá.

À ń retí ìmọ́lẹ̀ ṣáá, àmọ́ wò ó! òkùnkùn ló ṣú;

À ń retí ìmọ́lẹ̀ tó tàn yòò, àmọ́ a ò yéé rìn nínú ìṣúdùdù.+

10 À ń táràrà níbi ògiri bí afọ́jú;

À ń táràrà bí àwọn tí kò ní ojú.+

A kọsẹ̀ ní ọ̀sán gangan bíi pé a wà nínú òkùnkùn alẹ́;

Ṣe la dà bí òkú láàárín àwọn alágbára.

11 Gbogbo wa ń kùn ṣáá bíi bíárì,

A sì ń ṣọ̀fọ̀, à ń ké kúùkúù bí àdàbà.

À ń retí ìdájọ́ òdodo, àmọ́ kò sí;

À ń retí ìgbàlà, àmọ́ ó jìnnà gan-an sí wa.

12 Torí ọ̀tẹ̀ wa pọ̀ níwájú rẹ;+

Àwọn ẹ̀ṣẹ̀ wa ń ta kò wá níkọ̀ọ̀kan.+

Torí àwọn ọ̀tẹ̀ wa wà pẹ̀lú wa;

A mọ àwọn àṣìṣe wa dáadáa.+

13 A ti ṣẹ̀, a sì ti sẹ́ Jèhófà;

A ti kẹ̀yìn sí Ọlọ́run wa,

A ti sọ̀rọ̀ nípa ìnilára àti ọ̀tẹ̀;+

A ti lóyún irọ́, a sì ti sọ̀rọ̀ èké kẹ́lẹ́kẹ́lẹ́ látinú ọkàn.+

14 Wọ́n ti rọ́ ìdájọ́ òdodo sẹ́yìn,+

Òdodo sì dúró sí ọ̀nà jíjìn;+

Nítorí pé òtítọ́* ti kọsẹ̀ ní ojúde ìlú,

Ohun tó tọ́ kò sì rí ọ̀nà wọlé.

15 Òtítọ́* ti pòórá,+

Ẹnikẹ́ni tó bá sì yí pa dà kúrò nínú ohun tó burú ni wọ́n ń kó lẹ́rù.

Jèhófà rí i, inú rẹ̀ ò sì dùn*

Torí kò sí ìdájọ́ òdodo.+

16 Ó rí i pé kò sí èèyàn kankan,

Ó sì yà á lẹ́nu pé ẹnì kankan ò bá wọn bẹ̀bẹ̀,

Torí náà, apá rẹ̀ mú ìgbàlà wá,*

Òdodo rẹ̀ sì tì í lẹ́yìn.

17 Ó wá gbé òdodo wọ̀ bí ẹ̀wù irin,

Ó sì dé akoto ìgbàlà* sí orí rẹ̀.+

Ó wọ ẹ̀wù ẹ̀san bí aṣọ,+

Ó sì fi ìtara bo ara rẹ̀ bí aṣọ àwọ̀lékè.*

19 Wọ́n máa bẹ̀rù orúkọ Jèhófà láti ìwọ̀ oòrùn

Àti ògo rẹ̀ láti ìlà oòrùn,

Torí ó máa wọlé wá bí odò tó ń yára ṣàn,

Tí ẹ̀mí Jèhófà ń gbé lọ.

20 “Olùtúnrà+ máa wá sí Síónì,+

Sọ́dọ̀ àwọn ti Jékọ́bù, àwọn tó yí pa dà kúrò nínú ẹ̀ṣẹ̀,”+ ni Jèhófà wí.