Náhúmù

 2 Jèhófà jẹ́ Ọlọ́run tó fẹ́ kí a máa jọ́sìn òun nìkan ṣoṣo,+ ó sì ń gbẹ̀san;

Jèhófà ń gbẹ̀san, ó sì ṣe tán láti bínú.+

Jèhófà ń gbẹ̀san lára àwọn elénìní rẹ̀,

Ó sì ń to ìbínú rẹ̀ jọ de àwọn ọ̀tá rẹ̀.

 3 Jèhófà kì í tètè bínú,+ agbára rẹ̀ sì pọ̀,+

Àmọ́, Jèhófà kò ní ṣàìfi ìyà jẹ ẹni tí ìyà bá tọ́ sí.+

Ọ̀nà rẹ̀ wà nínú ẹ̀fúùfù àti ìjì líle,

Àwọsánmà sì ni eruku ẹsẹ̀ rẹ̀.+

 4 Ó bá òkun wí,+ ó mú kí ó gbẹ;

Ó sì mú kí gbogbo odò gbẹ.+

Báṣánì àti Kámẹ́lì rọ,+

Ìtànná Lẹ́bánónì sì rọ.

 5 Àwọn òkè ńlá mì tìtì nítorí rẹ̀,

Àwọn òkè kéékèèké sì yọ́.+

Ayé á ru sókè nítorí ojú rẹ̀,

Àti ilẹ̀ pẹ̀lú gbogbo àwọn tó ń gbé orí rẹ̀.+

Yóò tú ìbínú rẹ̀ jáde bí iná,

Àwọn àpáta á sì fọ́ sí wẹ́wẹ́ nítorí rẹ̀.

 8 Àkúnya omi ló máa fi pa Nínéfè* run,

Òkùnkùn á sì lé àwọn ọ̀tá rẹ̀.

10 Wọ́n ṣù pọ̀ mọ́ra bí ẹ̀gún,

Wọ́n sì dà bí àwọn tó mu ọtí bíà yó;*

Ṣùgbọ́n iná á jó wọn run bí àgékù pòròpórò gbígbẹ.

11 Ẹni tó ń gbèrò ibi sí Jèhófà máa jáde wá láti ọ̀dọ̀ rẹ,

Á sì máa fúnni ní ìmọ̀ràn tí kò dáa.

“Bó tiẹ̀ jẹ́ pé wọ́n ní agbára, tí wọ́n sì pọ̀ gan-an,

Síbẹ̀, a máa gé wọn lulẹ̀, wọ́n á sì kọjá lọ.*

13 Nítorí náà, màá ṣẹ́ ọ̀pá àjàgà rẹ̀ kúrò lọ́rùn rẹ,+

Màá sì já ìdè rẹ sí méjì.

14 Jèhófà ti pàṣẹ nípa rẹ* pé,

‘Kò ní sí ẹni tí á máa jẹ́ orúkọ rẹ mọ́.

15 Wò ó! Orí àwọn òkè ni ẹsẹ̀ ẹni tó ń mú ìhìn rere wá wà,

Ẹni tó ń kéde àlàáfíà.+

Ṣe àwọn àjọyọ̀ rẹ,+ ìwọ Júdà, kí o sì san àwọn ẹ̀jẹ́ rẹ,

Nítorí ẹni tí kò ní láárí kò tún ní gba àárín rẹ kọjá mọ́.