Sáàmù

116 Mo nífẹ̀ẹ́ Jèhófà

Nítorí ó ń gbọ́* ohùn mi, ẹ̀bẹ̀ mi fún ìrànlọ́wọ́.+

 2 Nítorí ó ń tẹ́tí* sí mi,+

Èmi yóò máa ké pè é ní gbogbo ìgbà tí mo bá wà láàyè.*

 3 Àwọn okùn ikú yí mi ká;

Isà Òkú dì mí mú.*+

 5 Jèhófà jẹ́ agbatẹnirò* àti olódodo;+

Ọlọ́run wa jẹ́ aláàánú.+

 7 Kí ọkàn* mi rí ìsinmi lẹ́ẹ̀kan sí i,

Nítorí Jèhófà ti fi inú rere hàn sí mi.

 8 O ti gbà mí* lọ́wọ́ ikú,

O gba ojú mi lọ́wọ́ omijé, o sì gba ẹsẹ̀ mi lọ́wọ́ ìkọ̀sẹ̀.+

10 Mo nígbàgbọ́, torí náà mo sọ̀rọ̀;+

Ìyà jẹ mí gan-an.

12 Kí ni màá san pa dà fún Jèhófà

Lórí gbogbo oore tó ṣe fún mi?

13 Màá gbé ife ìgbàlà,*

Màá sì ké pe orúkọ Jèhófà.

14 Màá san àwọn ẹ̀jẹ́ mi fún Jèhófà

Níwájú gbogbo àwọn èèyàn rẹ̀.+

15 Lójú Jèhófà, àdánù ńlá*

Ni ikú àwọn ẹni ìdúróṣinṣin rẹ̀.+

16 Mo bẹ̀ ọ́, Jèhófà,

Nítorí ìránṣẹ́ rẹ ni mí.

17 Màá rú ẹbọ ọpẹ́ sí ọ;+

Màá ké pe orúkọ Jèhófà.

18 Màá san àwọn ẹ̀jẹ́ mi fún Jèhófà+

Níwájú gbogbo àwọn èèyàn rẹ̀,+

19 Nínú àwọn àgbàlá ilé Jèhófà,+

Láàárín rẹ, ìwọ Jerúsálẹ́mù.