Sáàmù

142 Mo fi ohùn mi ké pe Jèhófà fún ìrànlọ́wọ́;+

Mo fi ohùn mi bẹ Jèhófà pé kó ṣojú rere sí mi.

2 Mo tú ẹ̀dùn ọkàn mi jáde níwájú rẹ̀;

Mo sọ nípa wàhálà mi níwájú rẹ̀+

3 Nígbà tí àárẹ̀ mú ẹ̀mí mi.*

Wọ́n dẹ pańpẹ́ pa mọ́ dè mí

Ní ọ̀nà tí mò ń rìn.

4 Wo ọwọ́ ọ̀tún mi, kí o sì rí i

Pé kò sẹ́ni tó rí tèmi rò.*+

Kò síbi tí mo lè sá lọ;+

Kò sẹ́ni tí ọ̀rọ̀ mi* ká lára.

Mo sọ pé: “Ìwọ ni ibi ààbò mi,+

Gbogbo ohun tí mo ní* lórí ilẹ̀ alààyè.”

6 Fetí sí igbe mi fún ìrànlọ́wọ́,

Nítorí wọ́n ti bá mi kanlẹ̀.

Gbà mí lọ́wọ́ àwọn tó ń ṣe inúnibíni sí mi,+

Torí wọ́n lágbára jù mí lọ.

7 Mú mi* jáde kúrò nínú àjà ilẹ̀

Kí n lè máa yin orúkọ rẹ.

Kí àwọn olódodo yí mi ká,

Nítorí o ti ṣemí lóore.