Sáàmù

Sí olùdarí; lórí Gítítì.* Orin Dáfídì.

8 Jèhófà Olúwa wa, orúkọ rẹ mà níyì ní gbogbo ayé o;

O ti gbé ògo rẹ ga, kódà ó ga ju ọ̀run lọ!*+

2 O fìdí agbára rẹ múlẹ̀ láti ẹnu àwọn ọmọdé àti àwọn ọmọ jòjòló+

Nítorí àwọn elénìní rẹ,

Kí o lè pa ọ̀tá àti olùgbẹ̀san lẹ́nu mọ́.

3 Nígbà tí mo rí ọ̀run rẹ, àwọn iṣẹ́ ìka rẹ,

Òṣùpá àti àwọn ìràwọ̀ tí o ti ṣètò sílẹ̀,+

4 Kí ni ẹni kíkú jẹ́ tí o fi ń fi í sọ́kàn

Àti ọmọ aráyé tí o fi ń tọ́jú rẹ̀?+

5 O mú kó rẹlẹ̀ díẹ̀ ju àwọn ẹni bí Ọlọ́run,*

O sì fi ògo àti ọlá ńlá dé e ládé.

6 O fún un ní àṣẹ lórí àwọn iṣẹ́ ọwọ́ rẹ;+

O ti fi ohun gbogbo sábẹ́ ẹsẹ̀ rẹ̀:

7 Gbogbo àwọn agbo ẹran àti màlúù,

Àti àwọn ẹran inú igbó,*+

8 Àwọn ẹyẹ ojú ọ̀run àti ẹja inú òkun,

Ohunkóhun tó ń gba inú òkun kọjá.

9 Jèhófà Olúwa wa, orúkọ rẹ mà níyì ní gbogbo ayé o!