Àwọn Ẹ̀bùn Rere Ọlọ́run Tẹ́ Wa Lọ́rùn

1. Àtọ̀dọ̀ Ọlọ́run lókè

Làwọn ẹ̀bùn rere,

Ọrẹ pípé táa nífẹ̀ẹ́ sí,

Táa sì nílò, ti ńwá.

Kò sí àyídáyidà kan

Nínú ọ̀rọ̀ tirẹ̀.

Jèhófà lọba Olùpèsè

Ìyè òun ìmọ́lẹ̀.

2. Kò sídìí láti ṣàníyàn

Àtijẹ àtimu;

Òun tó ńbọ́ ẹyẹ tó ńfò ni

Yóò máa bójú tó wa.

A kìí lépa ohun asán,

A kórìíra asọ̀.

Ìpèsè Ọlọ́run tó fún wa,

O’un díẹ̀ ńtẹ́ wa lọ́rùn.

3. Ohun tó ńjọ ayé lójú

Asán ni lójú Jáà.

Ká máa fọjọ́ ayé wa yìí

Ṣohun táá ṣàǹfààní.

Ká lọ́rọ̀ lọ́dọ̀ Ọlọ́run

Báa kú kò ní ṣègbé.

A nítẹ̀ẹ́lọ́rùn baba ìwà,

Ojú wa ńmọ́nà kan.