“Ọlọ́run Jẹ́ Ìfẹ́”

1. Ọlọ́run ìfẹ́ ńpè wá pé,

‘Bá mi rìn, fẹ́ ọ̀nà mi.’

Báa nífẹ̀ẹ́ Jáà àti èèyàn,

Ire ṣáá la ó máa ṣe.

Ìgbé ayé ire nìyẹn;

Ìgbé ayé tí a ńfẹ́.

Ìfẹ́ bíi Kristi kìí kùnà.

Ìfẹ́ yìí yóò sì máa hàn.

2. Ìfẹ́ òtítọ́ ńdarí wa;

Ìfẹ́ Jáà ńmú wa nífẹ̀ẹ́.

Táa bá ṣubú òun yóò gbé wa;

Okun rẹ̀ laó fi dìde.

Mímọ́ nìfẹ́ kìí sìí jowú;

Ó nínúure òun sùúrù.

Ká ní ìfẹ́ àwọn ará.

Ká jadùn ìfẹ́ tòótọ́.

3. Má fàyè gba ìkórìíra;

Má ṣe jẹ́ kó sún mọ́ ọ.

Wo Jáà yóò sì tọ́ ọ sọ́nà;

Yóò kọ́ ọ ní àṣẹ yìí:

Nífẹ̀ẹ́ Jèhófà àtèèyàn,

Mọ bí ìfẹ́ ṣe jẹ́ gan-an.

Ká nífẹ̀ẹ́ ọmọnìkejì,

Ìfẹ́ jẹ̀lẹ́ńkẹ́ sì ni.