Jèhófà Ni Ibi Ààbò Wa

1. Jèhófà ni ààbò wa.

Ìwọ la gbẹ́kẹ̀ lé.

Òjìji rẹ la sá di,

A ò ní sá kúrò láé.

Torí a mọ̀ pé wàá gbèjà

Àwọn tó bá gbára lé ọ.

Jèhófà l’Olùṣọ́ wa;

Olódodo, olóòótọ́ ni.

2. Jèhófà máa ń dáàbò bo

Àwọn olódodo

Àti ọlọ́kàn tútù;

Kò ní pa wọ́n tì láé.

Torí náà, kò yẹ ká bẹ̀rù

Torí ìyọnu àjálù.

Òun yóò máa dá wa nídè

Kúrò lọ́wọ́ ẹni ibi.

3. Ó ń tọ́ wa, ó sì ńṣọ́ wa

Ká má kó sídẹkùn.

Ó ń fún wa lókun ká lè

Máa kojú àtakò.

Kò sí ìdí kankan fún wa

Láti bẹ̀rù ohunkóhun.

Jèhófà ni ààbò wa,

Yóò dáàbò bò wá títí láé.