提摩太前书

3 人尽力符合资格做监督，就系向往美好嘅工作。呢句说话系真实可信嘅。 2 监督应该无可指责，只系做一个女人嘅丈夫，生活有节制，思想健全*，做事有条理，好客，具备教导嘅能力， 3 唔醉酒，唔粗暴*，通情达理，唔钟意争拗，唔贪爱钱财， 4 好好督导*自己嘅家，佢嘅仔女顺服而且庄重认真*。 5 （人唔识得点样督导*自己嘅家，又点照顾到上帝嘅会众呢？） 6 监督唔应该系新近改信嘅，因为万一佢骄傲自大，就会受到同魔鬼一样嘅判决。 7 监督喺会众以外都应该有好名声*，以免受人指责*，落入魔鬼嘅圈套。

8 同样，助理仆人应该庄重认真*，唔应该一口两舌*，饮酒唔会失分寸*，唔贪图利益*， 9 本住清白嘅良心，紧守信仰嘅神圣秘密。

10 呢啲人都应该先接受试验，睇吓系咪合适*，如果无可指责，就可以俾佢哋做仆人。

11 同样，女人应该庄重认真，唔诽谤人，生活有节制，事事忠信。

12 助理仆人应该只系做一个女人嘅丈夫，好好督导仔女同自己嘅家。 13 人好好执行职务，就赢得好名声*，可以完全放胆发言*，讲论关于基督耶稣嘅信仰。

14 虽然我希望好快可以去你嗰度，但系都写呢啲说话俾你。 15 噉样，万一我迟咗去你嗰度，你都知道喺上帝嘅家应该点样行事为人。呢个家就系真神*嘅会众，系真理嘅栋梁同支柱。 16 虔诚*嘅真正意义实在系重大嘅神圣秘密：“佢*以肉身显现，成为灵体而称义*，喺天使面前出现，喺列国中受传扬，喺世界上被人相信，被接去天上得到荣耀。”