LECCIÓN 54
Dxiiñaʼ ni runi «mozo ni nuu xpiaaniʼ ne ni runi jneza»
Jesús nga «xaíque stiʼ ca xpinni» (Efesios 5:23). Ca dxi riʼ, caquiiñeʼ Jesús «mozo ni nuu xpiaaniʼ ne ni runi jneza» para guni dirigir ca xpinni lu Guidxilayú (biindaʼ Mateo 24:45). Jesús peʼ gulí «mozo» riʼ ne bidiibe laa autoridad. Neca zacá nácarube mozo stiʼ Cristu ne racanebe ca biʼchiʼ Cristu. ¿Tuu ndiʼ mozo riʼ yaʼ? Ne ¿ximodo rápabe laanu?
1. ¿Tuu nga «mozo ni nuu xpiaaniʼ ne ni runi jneza»?
Huaquiiñeʼ Jehová tuuxa hombre o grupu de hombre para sániru ndaaniʼ xquidxi (Malaquías 2:7; Hebreos 1:1). Guidúʼyanu ti ejemplu. Despué de guti Jesús, ca apóstol ne ca ancianu de Jerusalén que nga guzanírucaʼ ndaaniʼ congregación (Hechos 15:2). Cásica dxiqué, yanna nuu ti grupuhuiiniʼ de ancianu—Grupu ni Zániru stiʼ ca Testigu stiʼ Jehová—ni rudii guendaró espiritual ne ruuyaʼ ximodo raca predicar. Grupu riʼ nga «mozo ni nuu xpiaaniʼ ne ni runi jneza ni maʼ bisaana xpixuaanaʼ laa» para guni dxiiñaʼ riʼ (Mateo 24:45a). Guiráʼ hermanu ni nuu lu Grupu ni Zániru riʼ maʼ gulí espíritu santu laacabe ne cabézacabe guni mandarnécabe Cristu guibáʼ ora guiluxe xquendanabánicabe lu Guidxilayú riʼ.
2. ¿Xi guendaró espiritual rudii mozo ni nuu xpiaaniʼ?
Gudxi Jesús mozo riʼ naquiiñeʼ gudii ni gó ca xpinni «ora peʼ caquiiñecabe ni» (Mateo 24:45b). Cásica ca guendaró ni ridoʼno, racanécani ne rudiicani stipa laanu, guendaró espiritual—ni zeeda de lu Stiidxaʼ Dios—rudiini stipa laanu para cadi guchéʼnenu Jehová ne gúninu dxiiñaʼ ni maʼ bisaanané Jesús laanu (1 Timoteo 4:6). Guendaró espiritual riʼ ricaanu ni lu ca reunión, ca asamblea, lu ca publicación ne ca videu ni riree de lu Biblia. Racanécani laanu gánnanu ni riuulaʼdxiʼ Jehová ne gaca xhamígunu laabe jma.
GUIZÍʼDIRUNU JMA
Guidúʼyanu xiñee caquiiñenu «mozo ni nuu xpiaaniʼ ne ni runi jneza» o Grupu ni Zániru.
Rudii Grupu ni Zániru guendaró espiritual guiráʼ ca testigu stiʼ Jehová ni nuu lu guidubi Guidxilayú, laaca racané ne rabi grupu riʼ laacabe xi gúnicabe.
3. Naquiiñeʼ gataʼ chaahuiʼ dxiiñaʼ ni runi xquidxi Jehová
Dxiqué biquiiñeʼ Jesús grupu ni zániru para guni dirigir ca primé xpinni Cristu. Ne zacaca rúnibe yanna, riquiiñebe Grupu ni Zániru para quixhe chaahuiʼ ca dxiiñaʼ runi ca testigu stiʼ Jehová. Laguuyaʼ VIDEU riʼ.
Laguundaʼ 1 Corintios 14:33, 40 ne laiquiiñeʼ ca pregunta riʼ para güitu diidxaʼ:
Casi ná ca versículo riʼ, ¿ñee racalaʼdxiʼ Jehová gaca organizar ca Testigu stiʼ la? ¿Xiñee riníʼ íqueluʼ zacá yaʼ?
4. Riguixhe chaahuiʼ mozo ni nuu xpiaaniʼ modo gaca predicar
Dxiiñaʼ ni jma risaca para ca primé xpinni Cristu que nga guni predicarcaʼ. Laguundaʼ Hechos 8:14, 25 ne laiquiiñeʼ ca pregunta riʼ para güitu diidxaʼ:
Lu primé siglu que, ¿tu gudixhe chaahuiʼ modo gaca predicar?
¿Xi biʼniʼ Pedro ne Juan pur ni gudxi xcaadxi apóstol que laacaʼ?
Dxiiñaʼ ni jma risaca runi Grupu ni Zániru nga quixheʼ chaahuiʼ modo gaca predicar. Laguuyaʼ VIDEU riʼ.
Bisiidiʼ Jesús pabiáʼ risaca gaca predicar. Laguundaʼ Marcos 13:10 ne laiquiiñeʼ ca pregunta riʼ para güitu diidxaʼ:
¿Xiñee nabé risaca para Grupu ni Zániru gaca predicar?
¿Xiñee caquiiñeʼ quixheʼ chaahuiʼ «mozo ni nuu xpiaaniʼ ne ni runi jneza» modo gaca predicar lu guidubi Guidxilayú?
5. Rabi mozo ni nuu xpiaaniʼ laanu xi gúninu
Grupu ni Zániru nga runi dirigir ca xpinni Cristu ni nuu lu guidubi naca Guidxilayú. ¿Ximodo ránnacabe xi naquiiñeʼ guni guiráʼ ca xpinni Cristu yaʼ? Biiyaʼ ximodo biʼniʼ grupu ni zániru ni guyuu lu primé siglu que. Laguundaʼ Hechos 15:1, 2 ne laiquiiñeʼ ca pregunta riʼ para güitu diidxaʼ:
¿Xi guendanagana guyuu lade caadxi xpinni Cristu ni bibani lu primé siglu que?
¿Tu biyubi Pablo, Bernabé ne xcaadxi xpinni Cristu para gacané laacaʼ gaca chaahuiʼ guendanagana riʼ?
Laguundaʼ Hechos 15:12-18 ne 23-29, ne laiquiiñeʼ pregunta riʼ para güitu diidxaʼ:
¿Xi biʼniʼ grupu ni zániru ni guyuu lu primé siglu que para gacané Dios laacaʼ guni chaahuicaʼ ni bizaaca riʼ? (Laguuyaʼ versículo 12, 15 ne 28).
Laguundaʼ Hechos 15:30, 31 ne 16:4, 5, ne laiquiiñeʼ ca pregunta riʼ para güitu diidxaʼ:
¿Ximodo biiyaʼ ca primé xpinni Cristu ni gudxi grupu ni zániru que laacaʼ?
¿Xiñee nánnanu guluu Jehová ndaayaʼ laacabe pur bizuubacabe diidxaʼ?
Laguundaʼ 2 Timoteo 3:16 ne Santiago 1:5, ne laiquiiñeʼ pregunta riʼ para güitu diidxaʼ:
¿Xi runi Grupu ni Zániru ni nuu yanna riʼ ante guicaa xiixa decisión?
NUU TU NÁ: «Laaca si ni ná hombre nga cayúninu ora ruzúʼbanu stiidxaʼ Grupu ni Zániru».
¿Xiñee runi creluʼ Jesús nga cayuni dirigir Grupu ni Zániru?
XI BIZÍʼDINU
Grupu ni Zániru nga «mozo ni nuu xpiaaniʼ ne ni runi jneza» ni maʼ gulí Jesús. Mozo riʼ nga ni rudii guendaró espiritual ne rabi ca xpinni Cristu ni nuu lu guidubi Guidxilayú xi naquiiñeʼ guni.
Xi biziidiluʼ
¿Tu gulí «mozo ni nuu xpiaaniʼ ne ni runi jneza»?
¿Ximodo rapa Grupu ni Zániru laanu?
¿Ñee runi creluʼ Grupu ni Zániru nga «mozo ni nuu xpiaaniʼ ne ni runi jneza» la?
BIIYAʼ XIRUʼ ZANDA GUIZIIDILUʼ
Biiyaʼ ximodo runi cumplir Grupu ni Zániru dxiiñaʼ ni maʼ gucuaa.
«Tuu nga Grupu ni Zaniruʼ stiʼ ca Testigu stiʼ Jehová» (Tema ni zeeda lu jw.org)
Biiyaʼ xi runi Grupu ni Zániru para guʼyaʼ pa biaʼsi guendaró espiritual ricaanu.
¿Ximodo ruuyaʼ Grupu ni Zániru dxiiñaʼ ni bisaanané Jesús laacaʼ?
¿Ximodo rusihuinni ca reunión ne ca asamblea rápanu Jehová nga cayuni dirigir Grupu ni Zániru?