Cani bisiidiʼ Jesús

Xii nga Reinu stiʼ Dios

Xii nga Reinu stiʼ Dios

Laani nga ti gobiernu ni chiguni mandar lu guidubi naca Guidxilayú. Jesús guníʼ: «Laatu la? naquiiñeʼ guni orartu sicaríʼ: “[...] Biseendaʼ reinu stiluʼ. Gaca ni naluʼ cásica guibáʼ zaqueca lu guidxilayú”» (Mateo 6:9, 10 NM; Daniel 2:44).

Tu guiráʼ chiguni mandar lu Reinu ca

Jesús gule para gaca Rey lu Reinu stiʼ Dios. Ti ángel gudxi jñaabe sicaríʼ: «Zucuí Dios laabe de rey ra gurí bixhoze gola be David. Zaca be rey [...] ne qué ziuu dxi guiasa be» (Lucas 1:30-33). Ne gudxi Jesús ca apóstol stiʼ, zabibe lade ca xpínnibe tu guni mandárnebe. Gúdxibe laacaʼ: «Laatu huayuu né tu naa lu irá ni nagana huadideʼ. Nga runi zudiee guni mandar tu casi bidii Bixhoze ni naa» (Lucas 22:28, 29; Daniel 7:27). Biaʼsi 144,000 binni nga chiguni mandarné Jesús (Apocalipsis 5:9, 10; 14:1).

Paraa chichuu Reinu ca

Reinu stiʼ Dios zuni mandarni dede guibáʼ. Jesús gudxi ca discípulo stiʼ: «Ma chaaʼ, chi gune chaahue ti lugar [guibáʼ] para laatu. Ne ora ma uyaa ne ma bine chaahue ni la? zabigueta gueda caa laatu, ti ra chuaa la? laca chuʼ tu. [...] Chaa ra nuu Bixhozeʼ» (Juan 14:2, 3, 12; Daniel 7:13, 14).

Xi chiguni Reinu stiʼ Dios ne ca cosa malu ca

Jesús chindee ca binni malu ca de lu Guidxilayú. Jesús guníʼ xi chiguni ora bizeeteʼ: «Dxi ibigueta Hombre Biseenda Dios la? zeeda casi rey, zedané irá ca ángel stiʼ, ne zabí para guni mandar. Ne zadxiña binni de irá guidxi ra nuu be. Zabee chu be caadxi lade xcaadxi [...]. [Ne zanitilú cani runi cosa malu, NM] peru cani nachaʼhui que la? zapa ca enda nabani ni qué zaluxe» (Mateo 25:31-34, 46).

Tu guiráʼ nga chiguibani lu Guidxilayú para guni mandar Reinu ca laacaʼ

Jesús peʼ guníʼ: «Dichoso ni nadóʼ purti zudii Dios laaca guidxilayú» (Mateo 5:5; Salmo 37:29; 72:8). Guidubi lu Guidxilayú riʼ ziuu binni ni zannaxhiisaa ne dede yanna maʼ caziidicaʼ gúnicaʼ zacá. Jesús gudxi ca xpinni sicaríʼ: «Chi tixhe caʼ xiixa nacubi guni tu, ganaxhii saa tu cásica huayanaxhiee laatu. Zacá laganaxhii saa. Pa ganaxhii saa tu zacá la? zanna binni xpinne laatu» (Juan 13:34, 35).

Xi chiguni Reinu stiʼ Dios pur binni

Jesús zusianda guiráʼ clase guendahuará. Dxi guyuube lu Guidxilayú la? bisiidibe binni de «[Reinu stiʼ Dios,] ne bisianda be cani caquiiñe guianda» (Lucas 9:11). Lu ti visión ni gucuaa Juan la? biiyabe Jesús maʼ biasa lade gueʼtuʼ, despué de ngue guniʼbe sicaríʼ: «Biiya ti ibáʼ cubi ne ti guidxilayú cubi, [...] bina diaʼga ucuá ti ridxi reciu de ibáʼ, na: Biiyaʼ, ma nabeza Dios lade binni [...]. Zuchaa be nisa riete lú caʼ, ne ma qué ziuu ru enda guti» (Apocalipsis 21:1-4).

Reinu stiʼ Dios chiguni ti Paraísu lu Guidxilayú. Ti hombre malu, ni gutiné Jesús que, gúdxibe Jesús sicaríʼ: «Bietenalaʼdxiʼ naa ora guiuuluʼ lu reinu stiluʼ». Óraque bicabi Jesús laabe: «Dxandipeʼ cayabeʼ lii yannadxí: Ziuuneluʼ naa ndaaniʼ Paraísu» (Lucas 23:42, 43 NM; Isaías 11:4-9).

[Ni caníʼ yaza 9]

Pa racalaʼdxuʼ gannuʼ jma la? biiyaʼ lu capítulo 8 stiʼ libru Xipeʼ ndiʼ cusiidiʼ Biblia*

[Cani cá ñee yaza]

* Ni biʼniʼ ca testigu stiʼ Jiobá.