Nehemiya
2 Ngenyanga kaNisani,+ ngonyaka wamashumi amabili+ ka-Aritahishashita+ inkosi, kwakukhona iwayini phambi kwakhe, futhi njengokuvamile ngalithatha iwayini ngalinika inkosi.+ Kodwa ngangingakaze ngihwaqabale phambi kwayo.+ 2 Ngakho inkosi yathi kimi: “Kungani ubuso bakho buhwaqabele+ ube ungaguli? Lokhu kumane kusho ukuhwaqabala kwenhliziyo.”+ Ngesaba kakhulu lapho ngizwa lokhu.
3 Khona-ke ngathi enkosini: “Inkosi mayiphile kuze kube nini nanini!+ Kungani ubuso bami bungehwaqabale lapho umuzi,+ indlu yamangcwaba okhokho bami,+ ibhuqiwe, futhi amasango ayo edliwe umlilo?”+ 4 Inkosi yona yathi kimi: “Yini le ofuna ukuyenza?”+ Ngaso leso sikhathi ngathandaza+ kuNkulunkulu wamazulu.+ 5 Ngemva kwalokho ngathi enkosini: “Uma kubonakala kukuhle enkosini,+ futhi uma inceku yakho ibonakala iyinhle phambi kwakho,+ ngicela ukuba ungivumele ngiye kwaJuda, emzini wamangcwaba okhokho, ngiyowakha kabusha.”+ 6 Inkosi yathi kimi, indlovukazi yayo ihlezi eceleni kwayo: “Luzoba lude kangakanani uhambo lwakho futhi uzobuya nini?” Ngakho kwabonakala kukuhle+ phambi kwenkosi ukuba ingithumele, lapho ngiyitshela isikhathi esimisiwe.+
7 Ngaqhubeka ngathi enkosini: “Uma kubonakala kukuhle enkosini, manginikwe izincwadi+ eziya kubabusi+ abangaphesheya koMfula,+ ukuze bangivumele ngidlule ngize ngifike kwaJuda; 8 nencwadi eya ku-Asafa umgcini wepaki lenkosi, ukuze anginike imithi yokwakha ngezingodo amasango eNqaba+ yendlu,+ neyodonga+ lomuzi neyendlu engizongena kuyo.” Ngakho inkosi yanginika zona, ngokwesandla esihle sikaNkulunkulu wami esasiphezu kwami.+
9 Ekugcineni ngafika kubabusi+ ngaphesheya koMfula ngabanika izincwadi zenkosi. Ngaphezu kwalokho, inkosi yathumela kanye nami izinduna zebutho lempi nezinkweli zamahhashi. 10 Lapho uSanibhalati+ umHoroni+ noThobiya+ inceku, umAmoni,+ bezwa ngakho, khona-ke kwabonakala kuyinto embi kakhulu kubo+ ukuthi kwakufike umuntu ezofunela amadodana ka-Israyeli okuhle.
11 Ekugcineni ngafika eJerusalema, ngahlala khona izinsuku ezintathu. 12 Khona-ke ngavuka ebusuku, mina kanye nedlanzana lamadoda, futhi angikutshelanga muntu+ lokho uNkulunkulu wami ayekufaka enhliziyweni yami ukuba ngikwenzele iJerusalema,+ futhi ngangingahambi nasilwane esifuywayo ngaphandle kwaleso engangisigibele. 13 Ngaphuma ngeSango Lesigodi+ ebusuku phambi koMthombo Wenyoka Enkulu ngaya eSangweni Leziduli Zomlotha,+ futhi ngangilokhu ngihlola izindonga+ zeJerusalema, indlela ezazibhidlike ngayo nendlela amasango+ alo ayedliwe ngayo umlilo. 14 Ngadlula ngaya eSangweni Lesiphethu+ naseChibini LeNkosi, futhi kwakungekho ndawo isilwane sami engangisigibele esasingadlula kuyo. 15 Kodwa ngaqhubeka ngenyusa isigodi sesifufula+ ebusuku, futhi ngaqhubeka ngihlola udonga; ngemva kwalokho ngabuya ngangena ngeSango Lesigodi,+ kanjalo ngabuya.
16 Ababusi abangamaphini+ bona babengazi ukuthi ngangiyephi nokuthi ngangenzani; futhi amaJuda nabapristi nezicukuthwane nababusi abangamaphini nabo bonke abanye abenzi bomsebenzi ngangingakabatsheli lutho. 17 Ekugcineni ngathi kubo: “Niyasibona isimo esibi esikuso, indlela iJerusalema elibhuqwe ngayo futhi amasango alo ashiswa ngomlilo. Wozani silwakhe kabusha udonga lweJerusalema, ukuze singaqhubeki siyisihlamba.”+ 18 Ngaqhubeka ngabatshela ngesandla+ sikaNkulunkulu wami, indlela esasisihle ngayo kimi,+ nangamazwi enkosi+ eyayiwashó kimi. Bathi: “Masisukumeni, sakhe.” Ngakho baqinisa izandla zabo baziqinisela lo msebenzi omuhle.+
19 Manje lapho uSanibhalati+ umHoroni noThobiya+ inceku,+ umAmoni,+ noGeshemi+ wase-Arabhiya+ bezwa ngakho, basihleka usulu+ futhi basibheka ngendelelo bathi: “Kuyini lokhu enikwenzayo? Ingabe niyadlubulunda enkosini?”+ 20 Nokho ngabaphendula ngathi: “UNkulunkulu wamazulu+ nguye ozosinika impumelelo,+ futhi thina, zinceku zakhe, sizosukuma, futhi sizokwakha; kodwa nina aninasabelo,+ nalutho eningalubiza ngokufanele, nasikhumbuzo+ eJerusalema.”