IzAga
25 Nalezi futhi yizaga zikaSolomoni, + ezakopishwa* izinceku* zikaHezekiya + inkosi yakwaJuda:
3 Njengoba amazulu ephakeme nomhlaba ujulile,
Kunjalo nangenhliziyo yamakhosi, ayiphenyeki.
6 Ungaziphakamisi phambi kwenkosi, +
Ungahlali phakathi kwezikhulu, +
7 Ngoba kungcono ukuba ithi kuwe, “Khuphukela lapha,”
Kunokuba ikuhlaze phambi kwesicukuthwane. +
8 Ungajahi lapho uyokwethula icala enkantolo,
Ngoba uyokwenzenjani kamuva uma umakhelwane wakho ekuhlaza? +
9 Lungisa udaba lwakho nomakhelwane wakho, +
Kodwa ungakwembuli otshelwe kona ngasese, *+
10 Ukuze olalele angakuhlazi
Nawe ungasakazi umbiko omubi* ongenakuwuhoxisa.
12 Njengecici legolide nomhlobiso wegolide elisezingeni eliphezulu
Unjalo umsoli ohlakaniphile endlebeni elalelayo. +
13 Njengokubanda kweqhwa ngosuku lokuvuna
Sinjalo isithunywa esithembekile kulabo abasithumile,
Ngoba sivuselela amandla enkosi yaso. +
14 Njengamafu nomoya okungayilethi imvula
Unjalo umuntu oziqhayisa ngokuthi uzokhipha isipho kodwa angasikhiphi. *+
16 Uma uthola uju, yidla lolo oludingayo kuphela,
Ngoba uma udla oluningi kakhulu ungase uluhlanze. +
17 Unyawo lwakho malungavami endlini kamakhelwane wakho,
Ukuze angakhathali nguwe bese ekuzonda.
18 Njengomshiza wempi nenkemba nomcibisholo ocijile
Unjalo umuntu ofakaza amanga ngomakhelwane wakhe. +
19 Njengezinyo eliphukile noma unyawo oluxegezelayo
Kunjalo ukuthembela kumuntu ongathembekile* ngezikhathi ezinzima.
20 Njengomuntu okhumula ingubo ngosuku olubandayo
Nanjengoviniga othelwe kusawoti*
Unjalo umuntu oculela inhliziyo edabukile izingoma. +