AmaHubo
Ihubo. Ingoma yangosuku lweSabatha.
Nokuhubela* igama lakho, wena oPhezukonke,
2 Ukukhuluma ngothando lwakho oluqotho + ekuseni
Nangokuthembeka kwakho ebusuku,
3 Kube kudlalwa insimbi yomculo enezintambo eziyishumi nesigingci,
Nehabhu elizwakala kamnandi. +
4 Ngoba ungijabulisile Jehova, ngenxa yezenzo zakho;
Ngimemeza ngenjabulo ngenxa yemisebenzi yezandla zakho.
5 O Jehova, yeka ukuthi imisebenzi yakho mikhulu kangakanani! +
Yeka ukuthi imicabango yakho ijule kakhulu kangakanani! +
7 Lapho ababi behluma njengokhula*
Nabo bonke abenza okubi banda,
Kungenjongo yokuba babhujiswe kuze kube phakade. +
8 Kodwa wena Jehova uphakeme kuze kube phakade.
9 Impela, bheka lapho izitha zakho zinqotshwa, Jehova,
Bheka indlela izitha zakho eziyoshabalala ngayo;
Bonke abenza okubi bayohlakazwa. +
10 Kodwa uyowandisa amandla ami* njengawenkunzi yasendle;
Ngiyogcoba isikhumba sami ngamafutha amasha. +
11 Amehlo ami ayozibona izitha zami zinqotshwa; +
Izindlebe zami ziyozwa ngokunqotshwa kwabantu ababi abangihlaselayo.
12 Kodwa abalungile bayoqhakaza njengesihlahla sesundu
Bayokhula babe bakhulu njengomsedari oseLebhanoni. +
14 Bayoqhubeka bechuma ngisho noma sebegugile; *+
Bayohlala benomdlandla* futhi bebukeka kahle, *+
15 Bememezela ukuthi uJehova uqotho.
UyiDwala lami, + akukho ukungalungi kuye.