uJobe

33 “Kodwa manje Jobe, ngicela uzwe amazwi ami;

Lalela konke engikushoyo.

 2 Ngicela ubheke! Kumele ngiwuvule umlomo wami;

Ulimi* lwami kumele lukhulume.

 3 Amazwi ami amemezela ubuqotho benhliziyo yami, +

Izindebe zami zikusho ngobuqotho lokho engikwaziyo.

 4 Umoya kaNkulunkulu ungenzile, +

Nokuphefumula koMninimandla Onke kungenze ngaphila. +

 5 Uma ukwazi, ngiphendule;

Yethula udaba lwakho phambi kwami; kulungele ukuziphendulela.

 6 Bheka! Ngiyafana nje nawe kuNkulunkulu weqiniso;

Nami ngabunjwa ngobumba. +

 7 Ngakho akukho lutho olwesabisayo kimi okufanele lukwethuse,

Akukho lutho olucindezelayo oluvela kimi okufanele lukukhungathekise.

 8 Kodwa uthe ezindlebeni zami,

Yebo, bengilokhu ngikuzwa usho la mazwi,

 9 ‘Ngimsulwa, anginaseqo; +

Ngihlanzekile, anginasiphambeko. +

10 Kodwa uNkulunkulu uyazithola izizathu zokumelana nami;

Ungibheka njengesitha sakhe. +

11 Ufaka izinyawo zami kozankosi;*

Ucubungula zonke izindlela zami.’ +

14 Ngoba uNkulunkulu ukhuluma kaningi,

Kodwa akekho onakayo,

15 Lokhu ukwenza ephusheni, embonweni wasebusuku, +

Lapho ubuthongo obukhulu behlela abantu

Ngesikhathi belele emibhedeni yabo.

16 Ube esevula izindlebe zabo, +

Agxilise imiyalo yakhe kubo,

17 Ukuze anqande umuntu ekwenzeni okubi, +

Futhi avikele umuntu ekunqotshweni ukuqhosha. +

18 UNkulunkulu usindisa umphefumulo* wakhe egodini, *+

Nokuphila kwakhe ekubulaweni inkemba.*

19 Umuntu angafunda okuthile lapho elele embhedeni wakhe ezwa izinhlungu,

Nangobuhlungu obungapheli bamathambo akhe,

20 Kangangokuthi uyasenyanya* isinkwa,

Wenqaba ngisho nokudla okumnandi. +

21 Inyama yakhe iyawohloka ingabe isabonakala,

Namathambo akhe abefihlekile manje asehleli obala.*

22 Umphefumulo* wakhe usondela egodini;*

Nokuphila kwakhe kulabo ababulalayo.

23 Uma eba nesithunywa,*

Umkhulumeli oyedwa kwabayinkulungwane,

Ukuba atshele umuntu ukuthi buyini ubuqotho,

24 Khona-ke uNkulunkulu umbonisa umusa, athi:

25 Inyama yakhe mayibe ntsha* kunasebusheni; +

Makabuyele ezinsukwini zobungqabavu bobusha bakhe.’ +

26 Uyoncenga uNkulunkulu, + yena oyomamukela,

Abone ubuso baKhe ngokumemeza kwenjabulo,

UNkulunkulu uyobuyisela ukulunga kwaKhe kumuntu ofayo.

27 Lowo muntu uyomemezela* kubantu athi,

‘Ngonile, + ngahlanekezela okulungile,

Kodwa angikutholanga obekungifanele.*

28 Uwukhululile umphefumulo* wami ukuba ungayi egodini, *+

Nokuphila kwami kuyokubona ukukhanya.’

29 Ngempela, uNkulunkulu uyazenza zonke lezi zinto,

Azenze kaningi, ezenzela umuntu,

30 Ukuze ambuyise egodini,*

Ukuze akhanyiselwe ngokukhanya kokuphila. +

33 Uma kungekho ofuna ukukusho, kufanele ungilalele;

Thula, ngizokufundisa ukuhlakanipha.”