“Uma Kungenzeka, . . . Yibani Nokuthula Nabo Bonke Abantu”

AmaKristu eqiniso azama ukuhlale enokuthula nabo bonke abantu, kodwa lokho kungase kungabi lula ngaso sonke isikhathi. Yini engenza kube nzima ngathi ukuba ‘sibe nokuthula nabo bonke abantu’?a—Roma 12:18.

Izihlobo zethu ezingamkhonzi uJehova, abantu esisebenza nabo, noma abanye bangase basicindezele ukuba sishalazele imithetho yeBhayibheli yokuziphatha noma sihlanganyele emikhosini noma emasikweni angamdumisi uJehova. Lapho benza kanjalo, sikumelela ngokuqinile lokho okulungile. Asilokothi senze izinto eziphikisana nezinkolelo zethu, ngisho noma abanye becasuka noma bezama ukuphazamisa ukuthula kwethu. Noma kunjalo, kungakhathaliseki ukuthi abantu basabela kanjani, senza konke esingakwenza ukuze senze ukuthula ngokukhuluma nabo ngomoya ozolile nangenhlonipho. Ngokuba abantu abanokuthula, singenza nokuba abanye bamukele iqiniso.—2 Thim. 2:​24, 25; 1 Pet. 3:15.