I-ONLINE LIBRARY YeBhayibheli

I-ONLINE LIBRARY

mwb16 Ephreli k. 3
Khuthaza Futhi Uqinise Abanye Ngamazwi Omusa

INcwajana YoMhlangano Wokuphila KobuKristu Nenkonzo Yethu—2016

mwb16 Ephreli k. 3

AMAGUGU AVELA EZWINI LIKANKULUNKULU | JOBE 16-20

Khuthaza Futhi Uqinise Abanye Ngamazwi Omusa

Amazwi omeluleki kufanele aqinise abanye

UJobe wacindezeleka futhi waba lusizi, ngakho wayedinga ukusekelwa nokukhuthazwa abanye
Abangane bakaJobe abathathu abamduduzanga ngalutho. Kunalokho bamsola, banezela ekukhathazekeni kwakhe

Amazwi kaBhilidadi angenamusa enza uJobe walila ecindezelekile

UJobe wakhala kuNkulunkulu ukuba amkhulule ngandlela-thile—ngisho nangokufa
UJobe wagxila ethembeni lovuko futhi waqhubeka ekhuthazela ngokwethembeka

U-Elifazi ukhuluma noJobe bebukwa uBhilidadi noZofari

ABAGXEKI BAKAJOBE

U-Elifazi:

Kungenzeka wayengowaseThemani ezweni lakwa-Edomi. IThemani kukhulunywa ngalo kuJeremiya 49:7 njengeliyindawo yokuhlakanipha kwa-Edomi
U-Elifazi, okungenzeka wayemdala kunabo bonke futhi enethonya kulaba “baduduzi,” wakhuluma kuqala. Wanikeza izinkulumo ezintathu futhi wakhuluma isikhathi eside kunalaba abanye ababili

Ukugxeka okungamanga:

Wahlekisa ngobuqotho bukaJobe futhi wathi uNkulunkulu akazethembi izinceku zakhe (Jobe 4, 5)
Wathi uJobe uyagabadela, ukhohlakele futhi wasikisela ukuthi akamesabi uNkulunkulu (Jobe 15)
Wasola uJobe ngokuba nobugovu nokungabi nabulungisa futhi wathi umuntu akanto yalutho kuNkulunkulu (Jobe 22)

UBhilidadi:

Inzalo kaShuwahi. Kungenzeka wayehlala ngaseMfuleni i-Ewufrathe
Waba owesibili ukukhuluma. Izinkulumo zakhe ezintathu zazimfushane futhi zilimaza kakhulu kunezika-Elifazi

Ukugxeka okungamanga:

Wasikisela ukuthi amadodana kaJobe ayonile futhi iwafanele inhlekelele eyawehlela, wasikisela nokuthi uJobe akamesabi uNkulunkulu (Jobe 8)
Wasikisela ukuthi uJobe wayengumenzi wokubi (Jobe 18)
Wathi ubuqotho bomuntu buyize (Jobe 25)

UZofari:

UmNahamu, cishe owayevela enyakatho-ntshonalanga ye-Arabhiya
Waba owesithathu ukukhuluma futhi wamsola ngisho nakakhulu uJobe. Izinkulumo zakhe zaba mbili kuphela

Ukugxeka okungamanga:

Wasola uJobe ngokuthi ukhuluma inkulumo eyize futhi wamtshela ukuba ayeke imikhuba emibi (Jobe 11)
Wasikisela ukuthi uJobe ukhohlakele futhi uyakujabulela ukwenza isono (Jobe 20)