Psalms
Vir die musiekleier: Op die wysie van “Die lelie van herinnering”. Miktam.* Van Dawid. Om te onderrig. Toe hy teen Aʹram-Naharaʹim en Aʹram-Soba geveg het, en toe Joab teruggekeer het en 12 000 Edomiete in die Soutvallei doodgemaak het.+
60 O God, u het ons verwerp. U het deur ons verdediging gebreek.+
U was kwaad vir ons, maar aanvaar ons nou tog terug!
2 U het die aarde laat bewe. U het dit oopgekloof.
Maak sy skeure reg, want dit stort ineen.
3 U het u volk laat ly.
U het ons wyn laat drink wat ons laat slinger.+
6 God het in sy heiligheid* gesê:
“Ek sal van vreugde uitroep, ek sal Sigem as ’n erfdeel gee,+
en ek sal die Vallei van Sukkot afmeet.+
Juda is vir my die staf van ’n bevelvoerder.+
Op Edom sal ek my sandaal gooi.+
Ek sal van vreugde uitroep weens die oorwinning oor Filisteʹa.”+
9 Wie sal my bring na die stad wat omsingel is?*
Wie sal my tot by Edom lei?+