Psalms

60 O God, u het ons verstoot, u het deur ons gebreek,+

U het vertoornd geword. U moet ons herstel.+

 2 U het die aarde laat bewe, u het dit oopgekloof.+

Heel sy skeure, want dit het gewankel.+

 3 U het u volk teëspoed laat sien.+

U het ons wyn laat drink wat ons laat waggel het.+

 4 U het aan dié wat u vrees, ’n baken gegee+

Om al swenkend te vlug vir die boog. Sela.

 5 Sodat u geliefdes gered kan word+—

Red tog met u regterhand en antwoord ons.+

 6 God het in sy heiligheid gespreek:+

“Ek sal my verheug, ek sal Sigem as ’n deel gee;+

En die laagvlakte van Sukkot sal ek afmeet.+

 7 Giʹlead behoort aan my en Manasʹse behoort aan my,+

En Eʹfraim is die vesting van my hoofman;

Juda is my aanvoerderstaf.+

 8 Moab is my waspot.+

Op Edom sal ek my sandaal werp.+

Oor Filisteʹa sal ek triomfantlik uitroep.”+

 9 Wie sal my na die beleërde stad bring?+

Wie sal my sekerlik tot by Edom lei?+

10 Is dit nie u, o God, wat ons verstoot het+

En wat nie saam met ons leërs uittrek as God nie?+

11 Gee ons tog hulp uit benoudheid,+

Want redding deur die mens is waardeloos.+

12 Deur God sal ons lewenskragtigheid verkry,+

En hy sal ons teenstanders vertrap.+