Job
25 Bildad,+ die Suhiet, het toe geantwoord:
2 “God regeer en mense behoort sy mag te vrees.
Hy sorg dat daar vrede in die hemel is.
3 Kan sy leërmag getel word?
En op wie skyn sy lig nie?
4 Hoe kan ’n blote mens dan regverdig voor God wees?+
En hoe kan iemand wat uit ’n vrou gebore is, onskuldig* wees?+
5 Selfs die maan is nie vir hom helder nie,
en die sterre is nie rein in sy oë nie.
6 Wat nog te sê ’n mens, wat soos ’n wurm is,
en ’n mensekind, wat soos ’n maaier is!”