Bemoedig mekaar

1. Vandag moet ons mekaar bemoedig,

dan sal ons God getrou bly dien;

Dit lei tot hegte broederliefde

soos ons by God se knegte sien.

Opregte, ongeveinsde liefde

gee krag en moed om voort te gaan.

Ons word versterk in die gemeente,

’n ware toevlug bied dit aan.

2. Hoe aangenaam is goeie woorde

geuiter op die regte tyd!

Die troos en hulp van ware vriende

verlig ons pyn of treurigheid.

Terwyl ons met ons broeders saamwerk,

verleen ons hulp nog voor hul vra.

Want dit vervul die wet van Christus

as ons mekaar se laste dra.

3. Namate ons Gods dag sien nader,

moet ons voortdurend seker maak

Dat ons nie ons vergad’rings nalaat

of God se goeie weg versaak.

Verenig met ons broers en susters,

wil ons Jehovah altyd dien.

Laat ons mekaar dus bly bemoedig,

dan sal ons saam die lewe sien.