ሆሴዕ

6 “ኑ ወደ ይሖዋ እንመለስ፤

እሱ ቦጫጭቆናል፤+ ሆኖም ይፈውሰናል።

በሦስተኛውም ቀን ያስነሳናል፤

እኛም በፊቱ እንኖራለን።

የእሱ መውጣት እንደ ንጋት ብርሃን የተረጋገጠ ነው፤

እንደ ዶፍ ዝናብ፣ ምድርንም እንደሚያጠግበው የኋለኛው ዝናብ

ወደ እኛ ይመጣል።”

ታማኝ ፍቅራችሁ እንደ ጠዋት ጉም፣

ወዲያው እንደሚጠፋም ጤዛ ነውና።

 5 ከዚህም የተነሳ በነቢያቴ አማካኝነት እቆራርጣቸዋለሁ፤+

በአፌም ቃል እገድላቸዋለሁ።+

 6 ከመሥዋዕት ይልቅ ታማኝ ፍቅር፣*

ሙሉ በሙሉ ከሚቃጠል መባም ይልቅ አምላክን ማወቅ ያስደስተኛልና።+

 8 ጊልያድ የክፉ አድራጊዎች ከተማ ናት፤+

ከተማዋ በደም ጨቅይታለች።+

በሴኬም+ መንገድ ላይ ሰው ይገድላሉ፤

ምግባራቸው አሳፋሪ ነውና።

በዚያ ኤፍሬም ያመነዝራል፤+

እስራኤል ራሱን አርክሷል።+

11 በአንጻሩ ግን ይሁዳ ሆይ፣ የሕዝቤን ምርኮኞች በምመልስበት ጊዜ

መከር ይጠብቅሃል።”+