Dang Dipasangap Agama na So Sittong Debata

Parholong do Debata. Alai godang do agama na mangakku manomba Debata, hape mangajarhon dohot mangulahon na jahat. Boasa boi songon i? Alana, dang sittong akka agama i. Diajarhon nasida do ajaran na so sittong taringot Debata. Aha do na diulahon nasida na mambahen dang sangap Debata? Boha do perasaan ni Debata mangida i? Jala aha do na lao diulahon Debata tu akka agama i?

1. Aha do na diajarhon agama na so sittong taringot Debata?

Diajarhon agama na so sittong do gabus na maralo tu “hasittongan taringot tu Debata”. (Rom 1:25) Contohna godang do agama na so mangajarhon goar ni Debata. Hape didok do di Bibel, ikkon tajou do goar ni Debata. (Rom 10:13, 14) Asing ni i, tikki adong sitaonon godang do pamimpin agama na mandok Debata do na mambahen i. Alai gabus do i. Dang hea Debata mambahen na jahat. (Jaha Jakobus 1:13.) Ujungna, gabe lam dao ma akka halak sian Debata alani gabus na diajarhon agama na so sittong.

2. Aha do na diulahon agama na so sittong?

Dang ditiru agama na so sittong holong ni Jahowa. Alana dang parduli nasida tu akka halak. Bibel mandok, “Nungnga martimbun dosana sahat tu langit.” (Pangungkapon 18:5) Saleleng marratus taon, dohot do akka agama tu politik jala terlibat tu porang. Gabe godang ma halak na mate alani i. Jala adong do piga-piga pamimpin agama na marsonang-sonang ngoluna alai mamakke hepeng ni jemaatna. Jadi sebenarna, dang cocok nasida pasahatton Hata ni Debata. Alana dang ditanda nasida Debata.—Jaha 1 Johannes 4:8.

3. Boha do perasaan ni Debata mangida agama na so sittong?

Jut do rohatta mangida sude na dibahen agama na so sittong. Songon i do tong perasaan ni Jahowa? Holong do rohana tu sude jolma. Alai sogo do rohana tu akka pamimpin agama na so pasangappon goarna, jala na so parduli tu akka jemaatna. Marjanji do Debata lao manghancurhon agama na so sittong, jala ‘dang idaon be i’. (Pangungkapon 18:21) Pos ma rohatta, satokkin nai hancurhonon ni Debata nama sude agama na so sittong.—Pangungkapon 18:8.

ASA LAM TAATTUSI

4. Dang dijalo Debata sude agama

Godang halak mandok sarupa do tujuan ni sude agama. Lao pasonakkon roha ni Debata do, holan carana do na marasing-asing. Alai toho do i? Jaha Mateus 7:13, 14, dung i bahas ma sukkun-sukkun on:

• Menurut ayat on, dalan na songon dia do na tu hangoluan i?

Putar ma VIDEO, dung i bahas ma sukkun-sukkun on:

VIDEO: Dijalo Debata do Sude Agama?—Cuplikan (3:22)

• Songon na taida di video nakkin, toho do sude agama pasonakkon roha ni Debata?

5. Dang ditiru agama na so sittong holong ni Debata

Godang do naung diulahon agama na so sittong na so pasangappon Debata. Sada contohna i ma terlibat do nasida tu porang. Putar ma VIDEO. Dung i bahas ma sukkun-sukkun on.

VIDEO: Terlibat do Akka Gareja Tikki Porang Dunia II (2:22)

• Aha do na diulahon gareja tikki masa Porang Dunia II?

• Boha do perasaanmuna dung mamboto taringot i?

Jaha Johannes 13:34, 35 dohot 17:16. Dung i bahas ma sukkun-sukkun on:

• Menurut hamu, boha do perasaan ni Jahowa ala terlibat akka agama tu porang?

• Godang do na so denggan na diulahon agama na so sittong. Menurut hamu, akka aha ma muse naung diulahon nasida na so patuduhon holong ni Debata?

6. Lomo do roha ni Debata asa kaluar hita sian agama na so sittong

Jaha Pangungkapon 18:4,a dung i bahas ma sukkun-sukkun on:

• Boha do perasaanmuna dung mamboto na lomo roha ni Debata asa kaluar hita sian agama na so sittong?

7. Torus ma parsiajari taringot Debata na sittong

Gabe kecewa do hamu tu Debata alani ajaran dohot na diulahon agama na so sittong? Bayakkon ma contoh on. Adong sahalak anak na so manangihon nasehat ni bapakna. Lao ma ibana sian jabu jala diulahon ibana ma na jahat. Gabe sega ma ibana. Dang lomo roha ni bapakna tu pangalaho ni anakna i. Jadi patut do tasalahon bapakna ala songon i pangalaho ni anakna?

• Alani sude na diulahon agama na so sittong, patut do tasalahon Jahowa jala dang olo be hita marsiajar taringot Ibana?

KESIMPULAN

Dang dipasangap agama na so sittong Debata. Diajarhon nasida do ajaran na sala jala diulahon na jahat. Alai satokkin nai, hancurhonon ni Debata nama agama na so sittong.

Tinjauan

• Boha do perasaanmuna dung mamboto ajaran dohot na diulahon agama na so sittong?

• Boha do perasaan ni Jahowa mangida agama na so sittong?

• Aha do na lao diulahon Debata tu agama na so sittong?

LULUI MA

Jaha ma dua alasan na mambahen dang lomo roha ni Debata tu godang agama saonari.

“Sarupa do Sude Agama? Jala Sude do Agama i Mangurupi Hita Asa Jonok tu Debata?” (Artikel web)

Boasa lomo roha ni Jahowa asa marpungu hita rap dohot na asing lao manomba Jahowa?

“Porlu do Hita Bergabung tu Sada Agama na Terorganisasi?” (Artikel web)

Jaha ma taringot sahalak pastor na kecewa tu agamana, alai torus do ibana marsiajar taringot Debata.

“Sahalak Pastor Maninggalhon Gareja” (Dungo ma!, Februari 2015)

Jaha ma tolu ajaran na so sittong na diajarhon akka agama sian najolo. Alani akka ajaran i, gabe dang boi hita jonok tu Debata jala gabe hira na kejam ma Debata i.

“Akka Gabus na Mambahen Hita Maol Makkaholongi Debata” (Joujou Paboahon, 1 November 2013)