Agama na Songon dia do na Mambahen Las Roha ni Debata?

Songon naung tapelajari di pelajaran sebelumna, dang sude agama mambahen las roha ni Debata. Alai molo sittong caratta manomba Debata, las ma rohana. Jadi “agama” na songon dia do na mambahen las rohana? (Jakobus 1:27) Taida ma na didok Bibel taringot i.

1. Aha do na ikkon taihutton lao manomba Debata?

Ikkon taihutton do cara na sittong na disurat di Bibel. Didok Jesus do tu Debata, “Hatami do hasittongan.” (Johannes 17:17) Godang do akka agama na so olo mangihutton Hata ni Debata na tarsurat di Bibel. Unlomo do roha ni nasida mangihutton hata ni jolma dohot adat istiadat. Hape dang lomo roha ni Jahowa tu akka halak na so olo ‘mangulahon paretta ni Debata’. (Jaha Markus 7:9.) Alai las do roha ni Debata molo taihutton na tarsurat di Bibel.

2. Songon dia do cara na sittong lao manomba Jahowa?

Ala Jahowa do na manoppa hita, ikkon tasomba do Ibana. (Pangungkapon 4:11) Lapatanna, ikkon holong ma rohatta tu Ibana jala holan Ibana ma na tasomba. Jala dang tapakke akka patung, gambar, dohot benda na asing tikki lao manomba Ibana.—Jaha Jesaya 42:8.

Asing ni i, ikkon ‘badia jala palasson roha ni Jahowa’ do caratta manomba Ibana. (Rom 12:1) Lapatanna, taihutton ma parettana di ngolutta ganup ari. Contohna, molo holong do rohatta tu Jahowa, taihutton ma parettana taringot perkawinan. Jala dang olo hita mangulahon ulaon na mambahen hita marjea. Contohna marisap, martimbaho, marnarkoba, manang mabuk-mabuk.a

3. Boasa ikkon rap marpungu hita dohot na asing lao manomba Jahowa?

Ganup minggu, boi do hita marpungu lao ‘mamuji Jahowa . . . di tonga-tonga ni punguan’. (Psalmen 111:1, 2) Jala boi do hita marende di parpunguan i lao mamuji Debata. (Jaha Psalmen 104:33.) Ala holong roha ni Jahowa tu hita, lomo do rohana asa ro hita marpungu. Jala boi do i mangurupi hita mandapot hangoluan na saleleng ni lelengna. Jadi molo ro hita marpungu, boi ma hita masipatoguan dohot na asing.

ASA LAM TAATTUSI

4. Unang ma tapakke patung lao manomba Debata

VIDEO: Lomo do Roha ni Debata Tapakke Patung manang Benda na Asing Lao Manomba Ibana? (3:26)

• Aha do na masa tu naposo ni Debata najolo ala dipakke nasida patung lao manomba Ibana?

Adong na mandok lam jonok do nasida tu Debata molo dipakke nasida patung, silang, dohot na asing tikki manomba Ibana. Alai toho do i? Jaha 2 Musa 20:4-6 dohot Psalmen 106:35, 36, dung i bahas ma sukkun-sukkun on:

• Aha do na jotjot diida hamu dipakke akka halak lao manomba Debata?

• Boha do perasaan ni Jahowa molo tapakke patung tikki manomba Ibana?

• Boha do perasaanmuna dung mamboto on?

5. Malua do hita sian ajaran na so sittong molo holan Jahowa na tasomba

VIDEO: Bebas do Au Alani Hasittongan (5:16)

Jaha Psalmen 91:14, dung i bahas ma sukkun-sukkun on:

• Aha do na lao bahenon ni Jahowa tu hita molo tahaholongi jala holan Ibana na tasomba?

6. Manomba Debata tikki marpungu

Na mamuji Jahowa do hita molo dohot hita marende jala talehon komentar tikki marpungu. Jala boi do i patoguhon donganta na asing. Jaha Psalmen 22:22, dung i bahas ma sukkun-sukkun on:

• Lomo do rohamuna mambege komentar ni akka dongan tikki marpungu?

• Olo do hamu mancoba mangalehon komentar?

7. Las do roha ni Jahowa molo tapaboa na taparsiajari tu na asing

Godang do cara na boi tabahen lao paboahon na taparsiajari. Jaha Psalmen 9:1 dohot 34:1, dung i bahas ma sukkun-sukkun on:

• Sian sude na diparsiajari hamu, na dia ma na lao dipaboa hamu tu na asing?

KESIMPULAN

Las do roha ni Debata molo holan Ibana na tasomba, tapuji Ibana tikki marpungu, jala tapaboa na taparsiajari tu na asing.

Tinjauan

• Boha do carana asa taboto cara na sittong lao manomba Debata?

• Boasa holan Jahowa na ikkon tasomba?

• Boasa ikkon rap marpungu hita dohot na asing lao manomba Debata?

LULUI MA

Di artikel na marjudul, “Dang Diparhatoban Akka Patung Be Au”, jaha ma taringot sahalak borua na so olo be manomba akka patung manang akka dewa.

“Bibel Mambahen Denggan Ngolukku” (Joujou Paboahon, 1 Juli 2011)

Parsiajari ma cara mangalehon komentar tikki marpungu.

“Mamuji Jahowa Tingki Marpungu” (Joujou Paboahon, Januari 2019)

Tonton ma taringot sahalak bawa na berusaha ro marpungu nang pe sipata maol di ibana. Jala dapotna do manfaat sian i.

Diparate-atehon Jahowa do Ahu (3:07)

Godang do na mandok silang do tanda ni halak Kristen. Alai memang ikkon tapakke do i tikki manomba Debata?

“Boasa Saksi Jahowa Dang Mamakke Silang di Panombaon Nasida?” (Artikel web)