PELAJARAN 22
Boha do Carana Asa Boi Hamu Paboahon Barita na Uli tu Akka Halak?
Tikki marsiajar Bibel hamu, olo do ra didok rohamuna, “Porlu do diboto halak taringot on!” Toho do i, ikkon sude do halak mamboto barita na uli! Alai olo do ra gugup hamu tikki naeng paboahon na diparsiajari hamu sian Bibel. Jadi tabahas ma boha carana asa unang gugup hamu tikki marbarita, jala boha carana asa las rohamuna mangulahon i.
1. Boha do carana paboahon barita na uli tu akka halak naung ditanda hamu?
Didok sisean ni Jesus do, “Ikkon dipaboa hami do aha naung diida hami dohot na dibege hami.” (Ulaon ni Apostel 4:20) Las hian do roha ni nasida mamboto ajaran na sittong. Alani i ma, lomo do roha ni nasida paboahon i tu godang halak. Songon i do na dihilala hamu? Molo songon i na dihilala hamu, lului ma cara asa boi dipaboa hamu akka naung diparsiajari hamu tu keluarga dohot tu donganmuna. Jala denggan ma caramuna paboahon i tu nasida.—Jaha Kolosse 4:6.
Akka saran na boi dicoba hamu
Tikki makkata-hatai hamu dohot keluarga, paboa ma sada topik na sian Bibel. Lao memulai, boi do didok hamu songon on, “Adong na menarik na huparsiajari di minggu on bah.”
Molo adong donganmuna na marsahit manang na marsak, paboa ma ayat na boi patoguhon nasida.
Molo adong dongan sakarejomuna na manukkun aha na diulahon hamu di minggu i, ceritahon ma na diparsiajari hamu tikki marsiajar Bibel manang tikki marpungu.
Paboa ma taringot situs web jw.org tu donganmuna.
Ajak ma donganmuna asa rap marsiajar Bibel dohot hamu, manang patudu ma tu nasida cara mangisi formulir parsiajaran Bibel di jw.org.
2. Boasa porlu dibahen hamu rencana asa boi marbarita rap dohot akka dongan di huria?
Akka sisean ni Jesus najolo marbarita dang holan tu akka halak naung ditanda nasida. Alai Bibel mandok, “Disuru [Jesus] ma nasida dua halak sapardalanan. Parjolo ma nasida lao sian Jesus tu ganup kota” lao marbarita. (Lukas 10:1) Ala denggan diatur ulaon marbarita di tikki i, gabe boi ma godang halak mamboto barita na uli. Jala gabe las do roha ni akka sisean ala rap nasida marbarita. (Lukas 10:17) Asa boi dihilala hamu songon i, boi do dibahen hamu rencana asa rap marbarita dohot akka dongan di huria.
ASA LAM TAATTUSI
Tabahas ma boha carana asa unang gugup hamu tikki marbarita, jala boha carana asa las rohamuna mangulahon i.
3. Pasti diurupi Jahowa do hamu
Adong do deba halak na gugup tikki naeng marbarita ala dang diboto nasida aha na lao dokkononna. Jala dang diboto ibana songon dia annon tanggapan ni halak.
Songon i do na dihilala hamu tikki naeng paboahon na diparsiajari hamu?
Putar ma VIDEO, dung i bahas ma sukkun-sukkun on:
Boha do dibahen akka na poso di video i asa unang mabiar be nasida paboahon haporseaonna?
Jaha Jesaya 41:10, dung i bahas ma sukkun-sukkun on:
Molo mabiar hamu naeng marbarita, boasa porlu hamu martangiang tu Jahowa?
Diboto hamu do?
Godang do Saksi Jahowa di mulana dang barani marbarita. Contohna si Sergey. Parsip do ibana jala dihilala ibana dang mararga dirina. Dukkon i, marsiajar Bibel ma ibana. Didok si Sergey, “Huhilala dang mungkin boi hupaboa haporseaokku. Alai huboto do, porlu do akka halak mambege barita na uli. Dang hurippu gabe percaya diri do au dung marbarita. Jala gabe lam pos do rohakku tu Debata.”
4. Lambok ma hamu tikki paboahon barita na uli
Sebelum marbarita hamu, pasti dipikkirhon hamu do aha na lao dokkononmuna. Alai porlu do tong dipikkirhon hamu songon dia carana paboahon i. Jaha 2 Timoteus 2:24 dohot 1 Petrus 3:15, dung i bahas ma sukkun-sukkun on:
Boha do caramuna menerappon ayat on tikki naeng paboahon barita na uli?
Molo adong dongan manang keluargamuna na so olo manangihon barita na dipaboa hamu, aha do na ikkon diulahon hamu? Jala aha do na so boi diulahon hamu?
Boasa undenggan molo tabahen sukkun-sukkun tu sasahalak daripada tajamitai nasida?
5. Las do roha molo dohot marbarita
Dilehon Jahowa do tugas tu Jesus lao marbarita na uli. Boha do perasaan ni Jesus tu tugasna i? Jaha Johannes 4:34, dung i bahas ma sukkun-sukkun on:
Ikkon mangan do hita asa boi mangolu, jala boi do i mambahen las rohatta. Boasa dipatudos Jesus mangulahon lomo ni roha ni Debata termasuk marbarita, dos songon sipanganon?
Menurut hamu, boasa gabe las rohatta molo dohot hita marbarita?
Saran
Di parpunguan parsitongaan ni minggu, parrohahon ma songon dia carana marbarita.
Paboa ma tu na mangurupi hamu marsiajar Bibel, na lomo rohamuna mandapot tugas latihan di parpunguan parsitongaan ni minggu. Boi do i mangurupi hamu asa barani paboahon na diparsiajari hamu tu na asing.
Asa boi dialusi hamu sukkun-sukkun manang pandapot ni akka halak na dijuppangi hamu tikki marbarita, latihan ma hamu mamakke bagian “Adong do na Mandok” na adong di bukku on.
ADONG DO NA MANDOK: “Boasa songon na muba ho saonari?”
Molo adong na mandok songon i, boha do alusmuna asa boi i gabe dalanmuna lao marbarita na uli tu ibana?
KESIMPULAN
Las do rohatta molo tapaboa barita na uli tu akka halak, jala dang maol sebenarna mangulahon i.
Tinjauan
Boasa ikkon tapaboa barita na uli tu akka halak?
Boha do carana asa lambok hita tikki paboahon barita na uli i?
Boha do carana asa unang gugup hita tikki marbarita?
LULUI MA
Tonton ma opat cara mamakke kartu kontak jw.org tikki marbarita.
Jaha ma taringot opat sifat na ikkon adong di hita asa boi marbarita.
“Rade do Hamu Gabe Sijala Jolma?” (Joujou Paboahon, September 2020)
Tonton ma contoh sian Bibel na boi mangurupi hita asa barani marbarita, nang pe poso dope hita.
Songon dia do carana asa boi hita marbarita tu keluarga na so manomba Jahowa?
“Mangurupi Keluarga Mananda Hasintongan” (Joujou Paboahon, 15 Maret 2014)