Aha do na Didok Bibel taringot Balas Dendam?

Adong do halak na merasa berhak do ibana balas dendam. Alai didok di Bibel, “Unang ma dok, ‘Ikkon bahenokku do tu ibana songon na binahenna i tu au. Ikkon balosokku do pambahenanna i’.” (Poda 24:29) Jadi, ayat on boi mangurupi sasahalak asa unang balas dendam.

Di topik on lao dibahas ma

• Boasa dang boi hita balas dendam?

• Songon dia do cara ni Debata pasaehon i?

• Songon dia do molo ro tu rohakku naeng balas dendam?

• Pandapot na sala taringot balas dendam

Molo adong sasahalak na mambahen haccit rohatta, biasa do molo ro tu rohatta naeng balas dendam. Jala didok rohatta, ikkon dapotna do balos ni pambahenanna i. Alai didok di Bibel, dang boi hita balas dendam. Boasa?

Dang lomo roha ni Debata molo balas dendam hita. Alana didok Debata Jahowaa do di Bibel, “Au do na marhak mambalos. Balosokku do hajahaton ni nasida.” (Rom 12:19) Ayat on mandok, sasahalak na dibahen na so denggan tu ibana, ikkon berupaya do mardame lao pasaehon parsoalanna i. Dang na gabe balas dendam. (Rom 12:18) Alai boha do molo nga berupaya ibana lao mardame, hape dang marhasil? Didok di Bibel, pos ma rohatta tu Jahowa na lao pasaeon ni Jahowa do sudena i di tikkina.—Psalmen 42:10, 11.

Saonari, dipasombu Debata dope pamaretta na menghukum akka halak na marsala. (Rom 13:1-4) Alai adong do annon tikkina, Debata do na menghukum akka halak na jahat jala dang adong be annon halak na susa.—Jesaya 11:4.

• Unang ma pittor hatop hita bertindak di tikki muruk. (Poda 17:27) Akka halak na pittor hatop bertindak di tikki muruk, jotjot do gabe menyesal nasida dukkon i. Alai akka halak na jolo marpikkir sebelum bertindak, gabe boi ma nasida mambahen keputusan na denggan.—Poda 29:11.

• Lului ma aha na sebenarna. (Poda 18:13) Tikki adong sasahalak mambahen na sala tu hita, porlu do ikkon tapikkirhon on, ‘Adong do huhilala na so huboto dope aha na mambahen boasa songon i ibana tu au? Na godang do masalahna na mambahen ibana marsak? Manang na so disadari ibana do pambahenanna i?’ Sipata, olo do didok rohatta na sengaja do ibana mambahen songon i. Hape dang na sengaja ibana mambahen haccit rohatta.

Pandapot na sala: Ala adong didok di Bibel dang boi hita balas dendam, na gabe so boi do hita membela diri tikki adong halak na mangulahon na jahat tu hita?

Na sasittongna: Molo adong na mangulahon na jahat tu hita, boi do hita membela diritta manang mangido bantuan sian pihak na berwenang. Alai didok di Bibel, ikkon berupaya do hita asa unang sappe marbadai.—Poda 17:14.